Ka Nupepa Kuokoa, Volume XLVI, Number 25, 18 Iune 1909 — HE HOALOHALOHA. [ARTICLE]

HE HOALOHALOHA.

E ke Kapena o ke Kilohana:—Ke loaa he wahi kowa iki o kou oneki, e ae oluolu mai hoi oe e hookau aku i keia wahi puolo liliha paumako a hooniua. t>uuwai, a na ke Kilohana ia e kalahea aku i na kini makamaka mai ka Lae Kiai la o Kumukahi a ka napoo ana a ka la i ka 'ilikai o Lehua, ua hala, ua newa, ua mae, ua nihi palanehe aku la ka hele ana a ka wahine. Ua oluolu loa i ka Mea Mana loa ke kii ana mai i ka uhane makamae o Mrs. Hannah Liiikalani a hiipoi aku la i kela home nani ma o kahi o ka maha anie ka hauoii mau loa. "He lala oia no ka Ahahui C. E. o Kawaiahao a hiki wale i kona hala ana aku la. Nolaila nia ka aoao o ka Ahahui C. E. o Kawāiahao, ua hooholoia e komo pu aku, e u a e kumakena pu me ke kane i hooneleia i ka wahine, na keiki i hooneleia i ka kua ame na makamaka i hooneleia i ka hoaloha. . Na ka Makua Lani e hoomama mai i ko kakou mau luuluu; na Kona mana e kiai rtiai ia kaekOu apau; a na Kona aloha e hoomalu pakahi ia kakou i na la apau o keia ola ana. - Na ka Ahahui C. E. o Kawaiahao ma o ke Komite la. Kakauinoaia—S. K. Nakapaahu, S. P. Kahoohalahala, J. M. Kealoha, loeia Kiakahi, J. Mahiai, j. K. Nakila.