Ka Nupepa Kuokoa, Volume XLVI, Number 24, 11 June 1909 — NA MEAHOU O KA OIHANA MAKAI. [ARTICLE]

NA MEAHOU O KA OIHANA MAKAI.

Ua kapiia o Haole he kanaka Hawaii eu, e Lunakanawai Andrade o ka Aha Hoomalu, he $25 ma ka poalima 0 ka pule i hala no ka lilo ana lie loea hana pihi makai akamai loa ame ka lawe hewa ana i ka >hana a k a makai ma ka hoao ana e hopu i ka Pake. Ua hanaia e keia kaaka kek#ii pihi piula a like k>a me ke pMai o na makai ku huina me ke kakauia ana o na huaolelo moakaka Makai Kauwai helu 23. Me kela pihi keia kanaka i holo hoopunipuni ai maluna o na kaa uwila me ka uku ole no kekahi manawa me ka hookohukohu makai ana iaia iho a mai paa ole pa]|p. oia i ka hopuia ina aole i hoao e hopu hewa I ka Pake. Ua laweia ae o Noa, kela wahi kanaka Hawaii kolohe nana i hou puka kolohe i ke kikiki ukuhana a na mahiko i haawj mai ai iaia, imua o ka Aha Hoomalu i ka Poalima aku nei, aohe nae i hookolokoloia ia la, ua hoopaneeia mai kona (hiWa a ka Poaono mai. Ua 'hoike ae na kupakako o na kaa j uwila I ka hookiekie o kekahi poe makai, aohe hoolohe i ka . papaia aku! aole e kau i ko lakou mau wawae lepo iluna o na noho miemae, o hele' mai kekahi poe me ko lakou- mau iole keokeo a haukae hoi i ka lepo, aoihe nae he hooloheia o ka lakou papa aku e na lima hooko o. ke kanawai. Mawaho ae o ke pihi makai piula a Haole i hana ai, ua loaa pu aku iloko o kona rumi i ka Makaikiu ke- i kahi pihi makai i ke au o David Kaapa -©'rioho poo ama no ka oi'hana Makaikiu ma kekahi mau makahiki loihi 1 hftfa ae nei. O keia kana ano pihi e-haawi ai no kona mau makai kauwai. Aia mawaena konu o ke pihi uā kakauia "Aole o makou hiamoe." Me he mea la me keia pihi keia Haole e hēle ,ā,i e hoopunipuni i kekahi poe he "makaikiu a i ole he makai kauwai oia. Mamuli o ka haulehia ana o. kekahi haumana o ke Kula Nui o Punahou i ke aloha me kekahi ]caikamahina o ia kula no a i kumu paha e mamao loa ai oia mai keia Parelaiso aku kahi o ka haawe luuluu ana e auamo ana ua hoao aku la oia e holo ma-lu maluna o ka Mokulawekoa Sheridan rio ka manao e holo no Manila. Aohe i ko kona manao no ka mea, i ka moku i mamao aku ai mai ,ia nei aku, ua kelekalapa ia aku la ka mokukoa Sheridan ma ka uweaolelo uwea ole, a o ka pane i loaa mai, ua paa ua keiki la i ka hao.a i ka wa e hoi mai al ka mokukoa mai Manila mai e hoihoi hou ia mai. ai oia ia, nei. Mai Maui mai kela keiki i hoihoiia. mai ai i ke kula, a iaia ma, ke kula ua haulehia oia i ke aloha me kekahi o .na kaikamalhlne haumana o ke Kula o Punahou. I kumu e kaawale mai ai oia mal ke kahua kinipopo ipai, ma lea Poaono, ua noi aku la oia e .hookuuia mai oia mai ke kahua paani mai, a i ka loaa ana no o kona aela ua hele pololei loa ae oia a ka moku lawekoa 9heridan a kau aku la ma ke ano he mea holo malu.