Ka Nupepa Kuokoa, Volume XLVI, Number 24, 11 June 1909 — E WI ANA KA NIHO O NA KAA OTOMOBILE. [ARTICLE]

E WI ANA KA NIHO O NA KAA OTOMOBILE.

Mamuli o ka nui loa o ka poe i hoopilikiaia e na kaa otomobile, ma o ka holo noonoo ole o ka jsbe na lakou e kalaiwa ana i kela ano kaa e like no hoi me na hoohalahala lehulehu no keia aoio kaa, e hoohana aku ana ka oihana makai i kekahi alahele e hikl ai ia lakou ke pakele ae mai na ahewa ana a ke kanawai. He pilikia no keia i loaa like ma na wahi apuni Jce ao nei, aka ua loaa mai nei nae he mea pa'ikii ia Kauka H. T. Kalmus ame Kauka D. F. Comstock, a ke hoohanaia mai nei keia mea paahana ma Bosetona ame kekahi mau kulanakauhale o ka hikina, no ke pa'l ana i na kaa otomobile holo nui. O keia mea pa'ikii ka i makemakeia e hoolakoia aku i a i ko lakou manawa e ike ai i na kaa holo nui, o ka wa ia e wehe koke ai i kela mea pa'ikii a pa'l aku i ke kaa e holo nui ana, a o ia kii i pa'iia ke laweia ae i lioike imua o ka aha hookolokolo. . H« mea pa'ikii ano hou loa keia, a o ka mea kupaianaha he elua ona ani|ini, a i ka wa e hoohuliia ai imua o ke kaa, a panaia hoi ke pihi, o ka wa ia e niniu ai na mea paahana oloko, me ke ana ana i ka holo o ke kaa, a o kekahi mea apiki he elua mau kii e paa ana i ka wa hooka"hi, maluna ae a malalo iho kekahi. Ua manaoia ina e loaa ana keia ano mea pa'ikii ma Hawaii nei, o ia paha ka mea nana e hoemi mai i ka holo' nui ana o kela ano kaa, a pau mai no hoi paha ka hoohalahala ana a ka lehulelMi.