Ka Nupepa Kuokoa, Volume XLVI, Number 24, 11 Iune 1909 — HE HOALOHALOHA. [ARTICLE]

HE HOALOHALOHA.

Mr. Lunahooponopono, Aloha oe: E oluolu mai Kou ahonui no ka'u wahi puolo waimaka a ke aloha e hii ae nei. e hookomo iho ma kahi kaawale j o ka oneki o ke Kiiohana, a nana hoi ia e ahai aku ma na paemoku o kakou nei, i ike mai ai na kinl lehulehu, o kuu moopuna hele loa o ia o Miss Lahela Keola Kahihikolo. | Ua haia aku oia ma ke ala hoi ole mai ma ke kakahTaka Poakahi, hora 7 a m., Mei 24, 1909 ma. Peiekunu nei, a waiho iho la i ke kino lepo i ukana luuiuu na'u, kona mau |pakua, na pokii ame ka lehulehn no apau,.e paiauma aku ana nona, aloha wale. He hookahi mahina ame ekolu pule ka hoomaiio ana a ka ma'i piwa ikaika ma kona kino a hala waie aku la oia. E moe ana hoi i ka moe kau a moe hooilo e kali ana i ka leo o ka P u a ka Anela e hoala mai ai i ko na ilina. Ua hanauia o Miss Laiieia Keola Kahihikolo ma Peiekunu, Molokai mai ka puhaka mai o Joseph Kahihikolo (k) ame Hoopii (w) ma ka la 22 o Novemaba, A. D. 1891, nolaiia o kona mau la ma keia oia ana he 17 makahiki a oi, a moe aku la oia. He kaikamahine aloha makua oia, a he moopuna aloha kupuna no hoi, a he kaikamahine aloha pokii no hoi. Ma na mea "pM i ka noho home ana, he kaikamahine lokomaikai, oluolu a heahea i na poe apau e kipa mai ana. A he -hoapaahana pu iloko o ka Haku lesu Kristo. E hoonaniia ke Akua ma n>a lani kiekie ioa, no mea nana no i haawi mai a nana no i lawe aku. Me ka Lunahooponopono ko'u aloha nui. ' JOSEPH MAKALEI. Pelekunu, Molokai, Mei 26, 1909.