Ka Nupepa Kuokoa, Volume XLVI, Number 24, 11 June 1909 — LUULUU WALE [ARTICLE]

LUULUU WALE

0 Mrs. T-.uka Kekuewa Nakuaau, ua kuu ka luhi ua maha, ua pa pio ka moe ana ua pau ka auwe, ua upoi na lihilihi a haia aku la, aloha no e. Pau ke ala ame ke onaona o ka ahuihala ke kaao ka pua, pau ka ulu wehi ame ka oluolu o ka home, ke lilo i puu iehu, pau ka nani ame ka u'i o ke kanaka, ke haalele mai ka uhane i ke kino. Ua mimo ua nehe malie, ua oili pulelo aku la ka uhane o kuu wahine a -hoi aku la i ka home mua o na uhane. Ka Lani kuu home mai imi maanei E kukulu hale e noho paa ai Maluna ka hale ka hale maikai A kuu Makua nani i kukulu ai. 1 ke kupono ana o ka la 1 ka 1010 0 ka Poaono, Mei 8, 1909 i haalele mai ai o Ulunui oe.o Kekaalaumolohanl He ala he ala, Mai Ka'niki, Mai Aikulono; He kieie aia ia, No Aikanaka O I oe, 0 Kapuniukaukahi, 1 ke kapu—e. ! He mau minuke ia o ke kupouli, ke aloha o Kanehoa, aohe eu i ka ha-ua e ke anu, ua oni wale i ke oho o ke kupukupu, ke hele Ia a moe oni ole ka pana o ka puuwai, ke unu mai la 1 ka wahine, ua hala, ua pau loa, aloha wale. He kupa, he kamaaina kuu wahine no Kohala iki, Kohala nui, Kohala loko, Kohala waho, Kohala Makani a•paapaa, o piii o Kalahikioia, na puu haelelua o kanaka no ke hele ana, ku no puu i kahi hookahli, e lei ai i ka ohu o ka aina he uhi\vai. Ua hanauia kuu wahine ma Kaauhuhu, Kohala Akau, Hawaii i ka M. H. 1848 na Kahele (k) atne Kailimaila (w) i ka 24 o kona mau mlakahiki a i ka 27 hoi o ko'u mau makahiki i lilo ai maua i kane a i wahine o na la no ia i kakahiaka aia no ka umauma iluna. He hoahanau kuu wahine no ka Ekalesia o lesu Kristo o ka Poe Hoano o na La Hope Nei, a no kona manaoip ua hoi maua i Laie, ua hana malaila no na makahiki 16 me ka paupauaho ole, he wahine hoolohe i ka olelo a kona mau mua ma ka hana ,aole he kauoha i hoole ia, namunamu ia a pela aku. No ka iini no i na- hana i koe o ka Euanelio, o ia ka bapetizo ana o ka poe ōla no ka poe make, ka mare sila ana no keia ao a no kela ao aku ka hoohui ana i na hanauna ame na hana laa e ae e lawelaw'e ,ia. iloko o ka Halelaa, nolaila, ua haalele aku ia Laie no Ziona nei i ka makahiki 1899 Na kā ma'i i hoopau pono ole i ka lawelawe ana i na liana laa, a moe aku la. He wahine aloha kane, aloha makua aloha ohana kuu wahine, oia ke kumu o kona holo mai i Ziona nei e lawelaWe no lakou, no ke aloha i ka ohana. He wahiiie ma'i mau kuu wahine, aka ,ua hele no e lawelawe i ka ke Akua hana me ka paupauaho ole, wahi ana o kona laau lapaau no ia. Ke waiho nei kana mau oielo hope iloko o'u mamua o ka lele loa ana o kona hanu "ke hele nei au ma kahi nani ma o, e nohe oe me ka hoolohe i ke a'o a na Peresidena o kakou, e haahaa, e ahonui, a e hooikaika, a e loaa no au ia oe, a i ole peia, aoie au e loaa ia oe." Walohia wale ia leo o kuu waliine. E ka hau iniki ili o losepa, aole oe e pa hou ana iaia, e ke aheahe makani o ka Akau, aoie oe e hookipa ia aku ana e ia, «e ka la wela kikiki nopu i ke kula o ua aina nei ua maalo ae oia mai a oe aku, e ka home uluwehi i na laau, ua pau kou noho ana malalo o kona malumalu. Ke mahalo nei au i ka poe apau 1 komo pu mai i ke anaina halawai hope o ku& wahine ma ka luakini o losepa ame ka poe i ukaii pu a hiki i ka iiina. Na ke Akua e hoopomaikai ia kakou apau, Amene. MOSES NAKUAAU. losepa Skull Valley, Tooele, Co., Utah, U. S. A., Mei 14, 1909.