Ka Nupepa Kuokoa, Volume XLVI, Number 24, 11 Iune 1909 — MOOLELO O KA AHAHUI EUANELIO AHAHUINA O MAUI, MOLOKAI AME LANAI. [ARTICLE]

MOOLELO O KA AHAHUI EUANELIO AHAHUINA O MAUI, MOLOKAI AME LANAI.

(Koena mai kela pule mai.)

Hapaiia ke Kumuhana 16, Ha'ieuanelio a hoeueu e kokua ana i na Komite Hoeueu. Walhoia ka noonoo ana i ka Aha Paeaina ma ke noi a Timoteo, aponoia. Hoopaneeia ka halawai ma ke noi a Kalua. Hookuuia me ka himhni L. H. 188, pule o Oieson. Lahaina, Malaki 31, 1909. Noho hou ka halawai, hora 8:45 a. m„ I. D. laea Lunahoomalu ma ka noho, pule ka Lunahoomalu, kahea inoa. Noi mai o E. S. Timoteo e kapaeia na rula, aponoia. A nana no 1 ka hoike Komlte o na kelkl a ka Aha. Rev. Issac D. laea, Lunahoomalu: 0 kou Komite f waiho ia mai ai na keiki a ka Aha no ka ninaninau ana ia lakou. He 5 keiki a ka Aha i nlnaninauia ai. Mahope o ka ninaninau ana. ua noonoo kou Komite, a penel ka. hooholo ana: Ua hooholo kou Komite e haawi ia Burner Haia, James Matia Keaoilunalilo, S. H. Kauilaokalani i hookahi makahiki pakahi, o C. K. Pa e hoomauia aku kona laikini no eono mahina, a e waihoia oia iloko o ka hooponopono ana a ke Komite A'o. O S. K. Makekau e hoomau ia aku kona laikini no hookahi makahiki. E. S. Timoteo, John W. Kalua Henry P. Judd, Komite. Na W. B. Oleson e kohoia I Komite no ka hoomakaukau ana i na ninau a hookomoia ma ka Hoaloha no ka waiho ana aku imua o na a ka Aha i keia kau ae. Kokua a hooholo ia. Kohoia o Oleson ame Na3?uina i Komite, aponoia. Na M. K. Nakuina i noi mai e apono loa ia ka hoike a ke Kōmite, kokua a hooholoia, Na D. W. K. White i kana hoike. Komite o ka Ekalesia o Olowalu aponoia. ' Hapaiia ke Kumuhana 18 Koho ana 1 na Luna Nui Na M. K. Nakuina e kapaeia nā rula, aponoia. A nana no i ka inoa o Rer. I. D. laea i Lunahoomalu, holo. Na R. B. Dodgre i ka inoa o L. B. Kaumeheiwa i Kakauoielo, 13 haloka, holo. A na M. K. Nakuina ia S., H. Kauilaokalani, he 12 haioka, haule. Rcv. R. B. Dodge, Puuku, holo. Na Kalua i noi mai, e kohoia ke Komite A'o o Ei'wa lala, kokua- a hooholoia. Eia na inoa o na Komite:—Rev. O. Nawahine, Rev. L. B. Kaumeheiwa, Rev. R. B. Dorlge, Rev. D. W. K. White, Rev. D. N. Opunui, Rev. E. B. Turner, Rev. J. T. Waltrip, Rev. J. Nua ame Rev. M. G. santos. Na M. K. Nakuina i noi mai e apono loa ia ka papa inoa o na Komite A'o. Aponoia. Hapaiiia ke Kumuhana 6, Hooponopono Ekalesia. Waihoia i ke Komite A'o ma ke noi a Kalua, aponoia. Noonooia no ke kukiHu ana i Ekalesia ma Puunene, waihoia i ke Komite A'o, aponoia. Na R. B. Dodge i noi mai, he mea pono e kukuiuia i Ekaiesia no Kahului, waihoia i ke Komite A'o a hoike mai i keia kau ae, aponoia." Na W. B. Oltfson i kamailio mai e ihui aku ke Komite A'o me ka Papa Kahu Waiwai o Wailuku no ka hana e piil ana ia a ina aole e holopono, alaila e hoi hou ae i ka Aha o keia kau ae. Na J. W. Kalua i noi mai e hapai hou ia ka noont)o ana i ke Kumuhana e haawi ana i ke Komite A'o ka hoonoho ana, kokua a hoohoioia. Na J. W. Kalua i hoike mai o L. B. Kaumeheiwa oia lee Komite 'o Wailuku no 6 mahina. Nolaila, e noonoo aku ke Komite no na Ekalesia e aei a koe o Wailuku, hooholoia. Hapaiia ke Kumuhana 19, Kahi ame ka manawa e halawai hou ai keia Aha. Ma Lahaina, Sepatemaba 16, A. D. 1909, hooholoia. Haawi ana i ka hoomaikai i ka Ekalesia o Wainee, waihoia na ke Kakauolelo o ka Aha e hana. Na S. K. Kauilaokalani e kapaeia na rula, aponoia. • Nana no i heluhelu mai i kekahi Olelo Hooholo, Hooholo, Hooholoia, Oiai, o ko kakou Makua aihonui ka Rev. E. S. Timoteo, a Komite Hoeueu no ko Hawaii Paeaina i koho ohohia likeia ai ma ke kau o ka Aha Paeaina ma Hilo, 1901; ke kulana ana hoi e paa nei no na makahiki loihi a hiki i keia la. E hooholoia, E hoike aku i ka manao o keia Ahahui Mokupuni o Maui, Molokai ame Lanai i ka papa Hawaii i ko lakou makee iaia. E hooholoia, I kela ame keia manawa e noonooia ai o ke Komite Hoeueu ka Makua Rev. E. S. Timoteo e hoololiia ae i hana okoa i ka manawa e noho ai o ko lakou halawai ma keia mua aku, a ulu- mai kekahi mau noi odfhana ana i ke kulana o ko kakou Makua e paa nei, a malia o huli ae ko ka Papa manao e like me ke ko ana o ke au o ka manawa. E hooholoia; E kohoia o Rev. W. B. Oleson i Komite no keia Aha e hooikaika oia ma na ano apau imua o lakou i ka manawa e ala mal ai o ia manao. E hooholoia, E lawe aku o Rev. W. B. Oieson i keia Olelo Hooholo imua o na lala o ka Papa Hawaii a e hoike aku i ke aloha Pumehana o na lala 0 keia Aha no lakou. aponoia ka Olelo Hooholo. , t Na Doclge no na lilo Papa Kuhlkuhl hana, $1.00. Na Timoteo e ukuia aku mai ka walhona o keia Aha, aponoia. Na L. B. Kaumeheiwa e kapaeia na rula, aponoia. Nana no elua mau Olelo Hooholo. 1. Olelo Hooholo, Hooholoia, O na loaa apau o keia Aha mahope iho o ka laweia ana o kona mau lilo kumau e holo aku ke koena no ka Ekalesia o Wainee, hooholoia. 2. Olelo Hooholo Hooholoia, o na lilo apau pili Kakauolelo o keia kau. ae, na ka Ekaiesia kahi e noho ai o keia Aha e ftoolako, kokua a hooholoia. j Na M. K. Nakuina i kokua ae no na mea pili kakau o keia kau, mahalo nui. Na J- W. Kalua ka Lunahoomalu o ke Komite A'o.no kona mau lilo, $8.25. ukuia no mailoko mai o na loaa o ka Aha, aponoia. Na ke Kakauolelo i heluhelu mai i ka Palapala Hoolauna a Edward Kekoa o Hilo, Hawaii. E noi mai ana 1 ke aloha o ka Aha Mokupuni o Maui, Molokai ame Lanai, e noi mai ana e holoi a e hoopau loa i na manao ku-e o na la 1 hala, a e ae ia oia e hoihoi hou ia aku kona inoa kahunapule a pela aku. Na O. Nawahine i noi mai, e lilo ke noi a ko kakou hoaioha i noi mai nei i hana na keia noonoo ai, aponoia. Na E. S. Timoteo i hoakaka mai ua

"nui au me ko kakou hoaloha ma Hilo ua kuka pu me ia, he maikai kona noho ana a ua makemake nui e hoi hou mai a hapai hou i na hana. Na O. Nawahine i kamailio mai, ina ua makemake oia e hoi hou mai, e ae aku iaiti aole e kali e hana no kakou i keia wa ano. O ka hana a ka Mokupuni o Oahu i hana mai nei oia no hoi ka kakou e hana ai ia E. Kekoa, a i kona hoopii hou ia ana i kahunapule, pela no hoi e hoopii ia mai ai na kahunapule i hoopauia i kela la aku nei. Na E. S. Timoteo i noi mai e waihoia i kekahi komite wae a hoike mai i ke kau o Sepatemaba e hiki mal ana. Aponoia, Kohoia Komite—Nawahine, Nua, Kaumeheiwa, hooholoia. Na L. B. Kaumeheiwa i noi mal, e malamaia i wahi lulū no ke Kakauolelo o keia Aha. A ua lulijia mai he $5.00; hoomaikai a nui i na hoa no ka. oukou mau makana aloha. He mau manao paipa-tf pokole mai a W. B. • Oieson ame M. K. Nakuina. A na ka "Lunahoomalu Rev. Isaac D. laea he mau olelo hooikaika imua o na lala o ka Aha e koi ana e hoo/nau aku i ka noho lokahi ana i na wa apau. Noi mai o E. S. Tinjoteo e hoopanee loa i keia halawai a noho hou ma Lahaina nei i Sepātemaba 16, 1909. Hooholoia, Hoopaneeia me ka himeni ame ka pule a Rev. I. D. laea. S. H. KAUILAOKALANI. Kakauolelo. Waihee, Aperila 17. 1909.