Ka Nupepa Kuokoa, Volume XLVI, Number 24, 11 Iune 1909 — LOAA KA POINO MAMULI O KA MAKAALA OLE. [ARTICLE]

LOAA KA POINO MAMULI O KA MAKAALA OLE.

Ma kekahi la o ka pule i hala, oiai na kanaka e hana ana ma ka Papu o Leahi, ulu ae la ka manao kolohe iloko o kekahi o na limahana opio Hawaii a hoomaka ka paani ana mekekahi limahana Pukiki. Mamua o ko laua paani ana ua lawe mua mai kela kanaka opio i kekahi papa a waiho iluna o kahi e hanaia ana, aole nae i kauia me ka paa pono, e loaa ole ai ka poino ke hele ia aku malaila me ka nanea. I ka wa i hoomaka ai ka paani ana ua hoomaka aku la ke Pukiki e alualu mahope o ke kanaka Hawaii opio, a me kona. noonoo ole ae he wahi ia no kona poino, ua holo aku la oia ma- ' luna no o ka papa ana i waiho he- | mahema ai. Ma ka hoikeia mai mai I haule ole no oia ina aole i hehi i ke Lpoo o ka papa, aka oiai oia ua maka'u loa o loaa mai i ke Pukiki ua hehi hewa aku la oia i ke poo o ka papa a -wala mai la ka papa a haule iho la ilalo ma kahi aneane he kanakolu kapuai ke kiekie. Aia malalo iho o kahl ana i ihaule iho ai he nui na poopoo -ame ka paila papa e waiho mokaki ana. I kona wa i haule iho ai, ua pa iho la kona mau wawae i ke poo o kekahi papa e waiho kamoe ana a na kona. i kau- iho maluna o ia papa i mahiki mai a loaa pono kona mau maka, ka lae, ka ihu ame na papalina. Ua moku kona mau papalina ame ka lae, o ka maka akau ka i oi loa aku 0 ka poino no ka mea, he minuke mahope iho ua hele mai la ka onohi a lewalewa iwaho, uliuli no hoi me he hua inamona la. Ua holhoiia oia i ka halema'i i kai o Walkiki a malaila oia 1 lapaaula ai me kona auwe mau i ka hu'i o na wahi i palapu. j He $2.50 ka uku la o kela. opio, a j mamuli iho la o kela eha mauwale e nele ana palia oia i ka oihi mau ia mau dala nunui. Hele a ola kona ma'i ua ku ke ahua a ka poe (hana pololei.