Ka Nupepa Kuokoa, Volume XLVI, Number 21, 21 Mei 1909 — Nuhou Kuwaho [ARTICLE]

Nuhou Kuwaho

CORDOVA, Alaska, Mei 3—Ua hoike muaia aku ka lohe i ka moku pepehi uwalo Kepani e na Luna Aupuni Amerika mai hookokoke ae oia ma na kai lawai'a kapu o Amerika. DAYTON, 0., Mei 14.—Ma ka la 1 nehinei i huli hoi mai ai o Wilbur Wright mai Europa mai a ua hookipaia mai oia me ka ulumahiehie nul o umi kaukani kanaka me ke kiia o na pukuniahi no kona hanohano. O ka haole Amerika kaulana keia i ka hana a lele baluna, KANSAS CITY, Mei 15.— o ka makani ikaika hele hu'hu i pa ai ma ka po nei ma na mokuaina o Kansas ame Missouri, he elima maū kanaka i make i moepuu na kona inaina a he kanalima i hoehaia. Nui ka poino i hanaia ma na waiwai. GREAT FALLS, Mont., Mei 16.—He ola'i ikaika ka i hoonaue iho 3a nei i ka po nei. O na lako aniani apuni ke kulanakauhale ua pau loa i ka nahaha. Ua ike pu 1a kela ola'i ma Wimipeg a ma ka hoomaopopoia ana ma kahi o iwakalua sekona ka loihi o ka hoonaueue ana. KAPALAKIKO, Mei 17.—E huki ana o Adimarala W. T. Swinburne i kona hae ilalo i keia la ma ke ano oia ka Alihikaua riui o ke aumokukaua o ka Pakipika a e paniia ana kona hakahaka e ka Ria-Adimarala Uriela Sibree. E hoi ana o Swinburne i Wakinekona e malama i ka papa o ka poe koa i hoomahaia. SEOUL, Mei 17.—Ua haalele mai ke Kauna Sone ia nei no Tokio mamull o ke kauoha a ke Keikialii Ito. Ua manaoia e hlialele ana ke Keikialii i kona wahi ma ke ano he Kerierala noho paa no Korea no ka lawelawe ana i na hana e pili ana ia Kina, a o Sone ke lawe ae i kona makalua ma Seoul. Korea. MANILA, Mei 17.—Ua holo aku ka moku lawekoa Kilpatrick no Nu loka, ma k£ ala aku o Sueza me ka puelikaualio Helu Umi maluna ona. ST PETERSBURG, Mei 19.—Ma kela la i hoopuka aku ai ka Emepera Nieholas he palapala e huikala ana i ke Kenerala Stoessel, Kenerala Nebogatoff ame ewalu mau aliileoa kiekie o na moku. Komo pu ka Adimarala Rojestvensky,, ka alihikaua nui o ke Aumokukaua Rukini ma kela huikala ana. O na inoa maikai ole i kauia aku maluna o lakou ame na manao ahewa ua hoopau !oa ia. O keia na aliikoa i kela kaua o lāpana ame Rusia.