Ka Nupepa Kuokoa, Volume XLVI, Number 21, 21 Mei 1909 — NA ELELE O NA AHAHUI C. E. NO AMERIKA. [ARTICLE]

NA ELELE O NA AHAHUI C. E. NO AMERIKA.

Oiai e malamaia ana he hui nui o na Ahahui Hooikalka Kristiano apuni ke ao nei iloko ae nei o ka mahina o lulai e hoea mai ana ma St. Paul, Minn,, nolaila e hoounaia aku ana he mau elele lehulehu mai na ahahui O. E. aku apuni ke Teritore iloko ae nei o kekahi o ka mahina e hoea mai ana. , E hoouna pakahiia aku- ana na elele ma na Mokupuni, a i kulike ai me na ke holo aku ana ma ka aoao o na mea i hooholoia, o Senatoa Makekau Ahahui o Hawaii; o P. N. Kahokuoluna ko 'Maui; o Moses Nakuina ko Oahu nei a o J. Mahial Kaneakua ko Kauai. He poe makaukau wale no keia i ka oieio haole, a ua iawa pu hoi i ka makaukau himeni e hopohopo oie ai ka hele ana aku no kela ahahui nui, a ma o lākou la no hoi e haaheo ai o Hawaii. Ma ka Poaono, ka la 29 o keia mahina e noho mai ai ka ahahui Paeaina ma keia kulanakauhale, a he manawa ia e akoakoa mai al o ko na kuaaina poe, a mahope aku o ia manawa, e haalele mai ai ua mau elele nei no Amerikai Aole keia o ka mua loa o ka hoouna ia ana o ka elele mai Hawaii aku nei, aka ma kela manawa i hui nui ai ka Ahahui C. E. iloko o eiua makahiki ae nei i hala', o Moses Nakuina ka i hoounaia aku ilaila, a hoi mai ai me ]?a hoike ana i na mea kupaianaha ana o ka ike ana ma ia aha.