Ka Nupepa Kuokoa, Volume XLVI, Number 21, 21 Mei 1909 — KO HAWAII MAU KEPANI MA KE KULANA MALUHIA. [ARTICLE]

KO HAWAII MAU KEPANI MA KE KULANA MALUHIA.

Me he mea la i ka nana aku, e hiki mai ana i ka manawa e hoohoka loaia ai Ka manao hoeueu olohani o na alakai o ka Ahahui Ukuhana Kiekie oiai, ua hoike ae ka nupepa Kepani o Hilo, i ka makemake ana o ko Hawaii mau Kepani naauao e komo mai e haawi i kekahi mau a'o ana i ole ai e loaa ha ku-ee ana mawaena o ka mahiko ame na Hmahana. Mailoko ae o na mahiko apau o Hawaii, he kanakolu mau elele i akoakoa ae ma kekahi halawai no ka noonoo ana "i na keehina kupono e hiki ai ke hanaia aku i' wahi e ala ole mai ai na manao ku-e mawaena o na aoao a elua, e like me ia. e ikeia .īei ma keia mokupuni. Ma na iono mua i hoomaopopoia, ua-' kaukai aku na alakai o ka Ahahui Ukuhana Kiekie no na pane mai ETawaii mai, o ka hoomaka koke no ia o ka olohani ana, aka nae mamuli o ka lawe ana mai la o na Kepani naauao 0 Hawaii i ka noonoo ana i kela kumuhana, nolaila e hiki mai ana paha 1 ka wa e 'hoka ai ka aoaō ku-e i na mahiko. Ua hoouna okoaia ae "kekahi'leka no ka hoolaha ana maloko o ka Nupepa Tribune o Hilo, e ka poe i akoakoa ai ma kela halawai, e kono aku ana i na Kepani noonoo maikai apau o na nahiko e- hui pu aku me lakou no ka uwao ana i ka pilikia e ala mai nei mawaena o na Kepani no ka piikoi ana i na ukuhana kiekie.