Ka Nupepa Kuokoa, Volume XLVI, Number 20, 14 May 1909 — MAKAUKAU NA KANAKA HAWAII NO NA HANA MAHIKO. [ARTICLE]

MAKAUKAU NA KANAKA HAWAII NO NA HANA MAHIKO.

I ka wa i puoho ae ai o ka meahou no ka olo>hani ana o na Kepani hana o ka Mahiko o Aiea ame Waipahu, ua ala koke ae ka manao Hoko o na Hawaii e hoopiha aku ma na makalua o na Kepani, ke loaa mai nae ia lakou ka uku maikai e manaoia āku ai e lawa ana ke ola me ke kupono. Ua hoea ae he lolie, no ko A. -Kekai makaukau ana e hoolako aku i ka mahiko me hookahi haneri kanaka Hawaii makemake liana, ina e haawiia aku ana ia lakou he -hookahi dala me ka hapaha ko ka la, me ka hoolako puia i na hale no lakou e noho ai, ame ka wahie hoi e hoomo'a ai i ka lākou mau meaai.. Mawaho ae hoi o keia iono, o Chas. Aki ka kekahi i makaukau e hoolako aku i ka mahiko i oloihaniia me eha a elima haneri kanaka no ke dala hapalua o ka la, a he nui a lehulehu no ihoi ka poe e makemake ana e hele aku i ka hana no ke dala hapaha o ka ia hookahi. • He uku hana kiekle keia a na Hawaii e koi aku nei, i oi ae mamua o ka na Kepani i koi aku ai i na mahiko, aka aole nae i maopopo ka hopena i keia manawa, rio ka holopono o ka lilo o na Hawaii i poe hana no ka maliiko ame ka ole.