Ka Nupepa Kuokoa, Volume XLVI, Number 20, 14 May 1909 — KUU MEA ALOHA HE WAHINE UA HALA. [ARTICLE]

KUU MEA ALOHA HE WAHINE UA HALA.

Ka Nupepa Kuokoa, Aloha kaua:— E oluolu mai kou ahonui e hookomo iho i kela poomanao e kau ae la maluna i ike mai hoi na hoaloha ame ka ohana hoi o ka mea i hala a o ia hoi keia: O Benitetila Kahahana ka'u wahine mare ua hala, ua haalele mai ia'u i ka hoapili he kane, ua hoi ka lepo i ka lepo ma ka ia 24 o Malaki, 1909 i hala aku la, a ma ka hora 4 0 ua la nei he awakea ia i kela manawa. aole i ahiahi ioa, ua haaiele i'ho la kela i ko maua hale a uā pii altu la i kahi o na keiki a maua. Aole au i ike i keia pii ana. A no'u hoi ua haia kakahiaka nui au e huli 1 kahi hoki o maua i ke kuia a ma kela hora 4 i ha'i ia maluna, hoi mai Ia au aole kela o ka hale, ua ninau au i ka poe a ua ha'i mai lakou ia'u ua hala iuka. Oiai keia i hiki aku ai i kahi o na keiki a maua ua noho iho la keia iluna o ka noho a ua kahea mai na keiki e komo aku a ua pane aku keia aiia e noho ae hoi au mawaho nei a oluolu iho alaiia komo aku. Aole i haia 3 minuke o ka haule aku la no ia mailuna aku o ka noho a waiho ana ilalo, i ka ike ana mai 6 na keiki a kii mai a ihoala ae ua pau aohe hanu, aohe oni, aohe ieo. Ua ko kela oleio a ka Buke Nui, He Mahu ke ola i pu-a iki ae, a nalo aku, o ka lua, o ke kanaka i hanauia e ka wahine, he hapa kona mau ia, ae pololei! Peia iho la ke ano o kona make ana, aohe ma'i he maikai ke ola kino aka oielo hou mai ka Haku o ka mea hiki ole i kanaka he «hiki wale no laia.. Nana i haawi mai a Nana no i lawe aku o Kona inoa ke hoonaniia. Eia kekahi mea hoike aku o Benitetila, he hoahanau kahiko no ka Ekalesia o Kaumakapili, aole oia i kaawale mai keia kiiiapai aku a hiki i kona hala ana aku la ma o. Ma Honolulu nei no oia a hiki i ko maua hoohuiia ana a 6 o maua makahiki ame 6 malama ame 7 la a haalele mai la kela i ka pili a maua. He wahine haipuie, he hoopono, he hookipa i na hoaloha, he oluolu ma na ano apau. Ia maua i hoi ai i ko'u wahi a ma ko'u Ekalesia maua i.hoolhala ai i ko maua mau la me ka malama no i na hana o ka Haku aole i haule a hiki i kona hoi ana aku ia i ka poli aloha o ka makua lani. Ua hoolilo aku makou iaia i Peresidena Apana no ko makou Ahahui Hooikāika Kristiano a alua makahiki, aole i haule hope kana mau hoike papa helu a hiki i kona moe ana aku la. Eia i'ho ka'u kanaenae aloha no kuu wahine: He aloha mai ka wahine, Hoapili o kuu kino.' O ka hana a ka Makua, Haku lani o maua. Laki oe o kaua,. Ua ka,hea ka .Makua, Lohe oe i ka leo lani, E hoi ka lepo i ka honua, . E hoi ka Uhane i ka Makua. Me ka Lunahooponopono ko'u aloha. Owau iho no, G. K. KAPA. Kohanaiki, Kona Akau, Hawaii.