Ka Nupepa Kuokoa, Volume XLVI, Number 20, 14 Mei 1909 — PAA I KA HOPUIA MAHOPE O KA HELE LANAKILA ANA NO EHIKU MAKAHIKI. [ARTICLE]

PAA I KA HOPUIA MAHOPE O KA HELE LANAKILA ANA NO EHIKU MAKAHIKI.

Maloko o kekahi mau nupepa o Hilo i hoikela ae ai ka paa ana o kekahi Pake paahao kahiko, nona ka inoa, o Ka-m Kau i ka hopuia e ka Makai Nui Sam Pua o ke Kalana o Hawaii, ma-1-epe.iho o kona hele lanakila ana nr na makahiki ehiku me he kanaka hewa ole la. Ua liookolokoloia keia Pake a ahewaia iloko o ka Aha Kaapuni Eha malalo o na kumu hoopii elua, e Uu-e ana iaia, o ia hoi no ka hoeha ame ka manao e pepehi, a no ia mau hewa i hoopa'iia ai oia he umi makahiki ma ka hoopaahao, me ka uku ana i ka hoopa'i o $350 ame $26 koina. lioko keia o ka mahina o lanuarl, ma ka la 8 o ka maka'hiki 1902 imua 'o Lunakanawai Little. LTa hoohanaia oia ma lea laina paahao e like me ke ano mau o lea poe apau i ahewaia e ke kanawai, a ma ka mahina o Sepatemaba, o ia makahiki no, ua mahuka mai la ola mai kona mau. hoa paahao mai. He nui na manawa i hoikeia mai ai ka lohe e pili ana nona, eia nae aola he paa iki i ka hopuia, a hiki wale iho la i ke au i no"ho ae la o Sam Pua i Makai Nui no Hawaii. Oiai o Sam Pua ma Kailua, ua hele aku l a oia no kahi o kela Pake no ke kuai puaa ana, oiai he hanai puaa ka hana a keia Pake, a ike koke aku la no oia, o ua Pake nei kela i mahuka ai, a o ,ka paa no ia i ka hopuia. O ka mea kupaianaha nae, me ka luna malama halepaahao kela Pake ka>hl i noho hana ai, a no ka maopopo ole i ka lunapaahao na mea e pili ana l ka mahuka ana o keia Pake, pela paha i ala ole mai ai kona hoohuoi Jiona a hiki wale i keia hopuia ana o Kam Kau. Ua manao maoliia, ua make kahiko kela Pake, mamuli o ka loaa ana aku ° kekahi mau iwi kanaka iluna o ka puu, me ke kamaa e paa. ana no ma ka wawae ame ke kaulahao pu i hoopaaia ai ma na wawae o Kam Kau, eia ka ke ola nei no ke kino oiaio o ka mea i mahuka ai me ka ioaa o!e no na makahiki loihi, Ua hoi>hoi loaia aku oia no Hilo me ke kaliia no kona hookolokoloia aku ma ke ano he lawehaia i mahuka mailoko aku o ka halepaahao, a o ia wahi aku no ia o ka apiki, o ka Hope Loio Kaiana* Mr.. Carl Smith e noho mal nei i keia manawa, o ka loio ia i kupale ai ma ka aoao o keia Pake i kela manawa ona o ka hookolokoloia ana, a oia aku auanei no ka mea ma ka aoao o ke aupuni e lawelawe ai no. keia hihia.