Ka Nupepa Kuokoa, Volume XLVI, Number 20, 14 May 1909 — KA PAPA KUHIKUHI HANA. [ARTICLE]

KA PAPA KUHIKUHI HANA.

1. Haawina heluhelu I Kor. 15:40-58 J. K. Nakila. 2. Himeni —Bula Lai, H. A. N. 150. 3. Ha'iolelo —Hon. E. 'K. Lilikalani. 4. Huki ana i na hae mai ka Papa Pohaku ae. 5. Himeni Lahui—Hawaii Ponoi. Ka Ha'iolelo a Hon'. E. K. Lilikalani. E na Hoahanau ame na Makamaka, na hoaloha o ka Ekalesia Makua o Kawaiaho. I keia la, ke hoolaa nel kakou i keia Pohaku Kia Hoomanao i kuliuluia no ka poe i make, e moe nei maloko o keia pa-ilina. hana keia i noonoo akahele loa ia, no kekahi manawa loihi i hala ae nei. Na ke Kahu ame na hoahanau. a hiki i ke oni paa ana o na manao lokahi, e hooko aiku i ka hana, i ike mai ai na makamaka apau, ame na pilikana, ame na ohana, ame • ka lahui Hawaii holookoa, ka poe i kuieana, na lakou na ili aloha i kanuia aku, nei, a e moe nel maloko o keia pailina: e hoike aku ana i ka manao maikai, ka makee āme ka pulama aloha, hiipoi o na hoahanau o ka Eka\esia o Kawaiahao i na kino lehu a kakou e moe nei malōko o keia pailina. Mal ka haawi ana a ka Moi Kamehameha 111 ame Kekauluohi ke Kuhina Nni o ke Aupuni o ia wa i keia luakini ame keia pa-ilina, e hoolilo ana no ka Ekalesia o Kawalahao, oia ka makahiki o ko kakou Haku 1842, a hiki i keia la. aneane he 67 na makahiki piha e'hele nei, akahi no kakou a hooko i ka mahele hope o ua Palapala Haawi Lokomaikai la a ka Moi ame ke Kuhina Nui. Penel kekahi hapa o ua Paiapala Haawi Lokomaikai Ia: "Kuleana Helu 635. Ekalesia o Kawaiahao, Alanui Moi, 7.15 eka āina, Buke 1 aoao 474." Keena Aina. "O maua no, O Kamehameha 111, Ke 'Lii Nui o ko Hawaii Paeaina, a me Kekauluohi, ke Kuhina Nui o ke Aupuni." Ke hoolilo aku nei maua i keia la, i ka luakini Pohaku ame ka aina ma Kawaiahao ma ke kulanakauhale o Honolulu, no na hoahanau o ka Ekalesia apau, i hana pu me maua i keia

Hale a i haawi pu i ko laikou waiwai no keja hana maikai, no lakou keia 'haJe a mau loa aku, a no ka poe hoi e manao like ana me lakou ma ka pono o ke Akua. A e hoomana ana i ke Akua iloko o keia hale, e like me keia poe hoahanau Ekalesia ma keia hope aku, a o ka poe hoomana like ole ame ka poe manaoio like ole, ma keia Ekalesia aole o lakou waiwai iloko o> keia Hale, ame keia pa, etc., etc. Ke hoolilo nei maua i keia Hale ame keia pa ame ko laila mau waiwai apau, no ka poe inalama oiaio i ka manaoio i palapala ia ae maluna ae ma keia pepa. Aoie na ka poe manao ku-e. A ke kakau nei i ko maua mau inoa, ame ka wepa hoailona, ma Honolulu, Oahu, Ko Hawaii Paeaina, i keia la 21 o lulai, M. H. 1842. (§ig.) "KAMEHAMEHA 111, (Sig.) "KEKAULUOHI." Pela kakou e hooko nei i keia la, ka poe nmlama oiaio i manaoio like, me ka Moi Kamehameha 111 ame Kekauluohi ke Kuhina Nui o ke Aupuni o ia wa, e makia aku i Pohaku Hoailona mau loa no na haipule a no na kino lehu e moe nei maloko o keia pa Ilina kahiko loa, kaulana loa, a hanohano loa rfia kona mooklo iioko o ko Hawaii Paeaina, mawaenakonu o ka moana Pakipika a hiki loa aku i ko na aina e, a i na welelau o ka honua. Akahi. Ke hoolaa nei kakou i keia Pohaku Kia Hoomanao no ka Moi, o ke Aupuni, e like me kana i olelo ai: "Ina e make .au e kanu ia ko'u kino kupapau ma ka ilina o Kawaiahao." E moe pu me na makaainaha. Ua ko no e like me kona makemake. Alua. Ke hoolaa nei kakou i keia Pohaku Kla Hoomanao, -no ka Makua Alii e moe pu nei me kana keiki. • Oia no ke kane a Kekauluohi, ke Kuhina Nui, nana i haawi i keia aina ame keia luakini no ka Ekalesia. Akolu. Ke hoolaa nel kakou i keia Pohaku Kia Hoomanao, no na alii hanāu o ka aina. Na alii kane ame na alii wahine e moe nei maloko o keia pa-ilina. Aha. Ke hoolaa nei kakou i keia Pohaku Kia Hoomanao no na kan£ka koikoi, na kanaka kaulana, a 'hano■hano o ka aina, e moe nei. Alima. Ke hoolaa nei kakou i keia Pohaku Kia Hoomanao no na makaainana Hawaii ponoi ame ko na aina e e moe nei maloko o keia pa-ilina. Aono. Ke, hoolaa nei kakou I keia Pohaku Kia Hoomanao no na Makua Misionari. Oia na kane, na wahine. na keiki ame na moopuna e moe nei īloko o ka maluhia. Ahiku. Ke koolaa nei kakou i keia Pohaku Kia Hoomanao no na hoahahanau o keia Ekalesia. Oia 'na kane na wahine, na keikl. a lakou ame na moopuna e moe nel. Awalu. Ke hoolaa nei kakou i keia Pe/haku Ka Hoomanao no na hoahanau o na Ekalesia e ae. O ka Hoomana Kakolika, o ka Hoomana Bihopa ame lea Ekalesta o Kaumakapili. Eia kekahi o ko lakou poe hoahanau na haipule o ia *Ekalesia Kristiano ke hiamoe nei' maloko o keia pailina. Aiwa. Ke hoolaa nei kakou i keia Pohaku Kia Hoomanao mai ke kau aka mua )oa i leanu ia, a hiki i keia la. No lakou keia pohaku Kia Hoomanao a kakou e hooko nei I keia la. Umi. Ke hoolaa nei kakou i keia Pohaku Kia Hoomanao he waiwai hooilina no keia Ekaleaia ma keia hope tafeu, no ka poe apau e moe nei, a no ka poe e hiki mai ana. Eia na olelo i palapalaia, a i unuhiia ma ka olelo Hawaii: "He Pohaku Hoomanao no ka poe i make, no lakou na lehu e waiho nei iloko o ka ilina o Kawaiahao. Ua hoolaaia keia pohaku me ke aloha walohia."