Ka Nupepa Kuokoa, Volume XLVI, Number 20, 14 Mei 1909 — HE KIKIAO MAKANI IKAIKA KE KUMU O KA MAKE. [ARTICLE]

HE KIKIAO MAKANI IKAIKA KE KUMU O KA MAKE.

Ma 'ke kakahiaka Poaha o ka pule i hala, aneane i ka hora 11 awakea ua pa mai.la kekahi wiliau makani ikaika ma ke Awawa o Kalihi a ulaa pu ae la i kaup'oku oluna o ka hale halawai Kakoīika ma Kalihi, a lele ana i kahi e, oiai e hanaia ana i kela n*anawa, a o ka Pake e kau ?na iluna olaila he Pake limahana, ua kiolaia me he wahl opala Ia a waiho ana iluna o ka lepo. I kulike ai me ka moolelo i ha'iia mai, o Ohun Sun (oia ka inoa o ua Palee limahana la) e hana ana ia ma kahi kokoke i Kuaiole o ka hale kahi aohe i paa loa i ka He la makani ikaika no kela -mai ke kakahiaka mai a hiki no i ke ahiahi ana, a ma ka oleloia he kikiao ikaika maoli kela ke kumu i ulaapuia ai kaupoku a i klolaia ai ka Pake i oi loa aku i na kikiao mamua aku. Ua kiolaia o Ohun Sun 1 ka honua ā maluna iho ona na kualaau i helelei iho ai. Ua hakihaki kona mau iwiaoao me ka nui pu o na palapu ma na wahi e ae o kona kino, aka nae aole oia i make koke ia manawa a hiki i kona laweia ana mai i ke kaona nei. ! I ka wa i hiki aku ai o Kauka McDonald ma kahi o_ ka mea poino ua ikeia I ka hiki ole 'iaia ke hana aku i kekahi mea no ke kana'ka poino. Ma ia auwina la ua hoike ia ae ka lohe i ka Makai Nui no kela make ulia a ua holo kino oia i ke awawa o Kalihi kahi o ka halepule i loaa'ai kela ulia' poino. j Ua malamaia he Aha Koronelo no ke kumu make o Chun Sun oiai koiia kino make e waiho ana, ma ka Poalima ae. 1