Ka Nupepa Kuokoa, Volume XLVI, Number 20, 14 Mei 1909 — KO KINA KULANA MA KEIA MUA AKU. [ARTICLE]

KO KINA KULANA MA KEIA MUA AKU.

Imua o ka ahahui kinai opiuma i haawi aku ai o Rev. Thwing i kekahi ha'iolelo imua o hookahi haneri Pake i akoakoa ae maloko o kela halawai ma ka la Sabati i hala iho la, e hoikeike aku ana hoi" imua o lakou no ke kulana « Kina no keia mua aku e hoea mai ana. Wahi ana, iloko o na makahiki he kanalima e .hoea mai ana, e lilo ana 0 Kina i lahui pookela ma ke ao holookoa, e like me ia e ikeia aku nei ka pii mahuahua mai o ke kulana holo mua o ka aina ame kona lahui kanaka. He ekolu mau lahui na lakoū e noho .a nei i ka Moana Pakipika, o ia no o Amerika, lapana ame Kina, aka ina e lanakila ana ke kinai ana aku 1 ka laha ana o ka opiunia, a hoihoi ae kona mau iwakalua miliona dala e hoolilo mauia nei i kela ame keia makahiki no ka opiuma, a -hoohanaia aku ma kona mau hana ponoi iho e pomaikai ai ka aina, alaila e ikeia aku auanei ka pii mahuahua mai o kona ikaika ame ka holomua. I ka hookuku ana i na lua lanahu o Kina, ua pa-umi iho ka nui o kona mau lua lahahu i ko ka Mokuaina o Penikelevania, kahi a Amerika e hoouna nui nei i kā lanahu ma kekahi mau wahi o ke ao nei. He nui ke gula, ke dala ame ke keleawe, eia nae akahi no a ike ponoia ae ia mau pomaikai, a iloko o' ka manawa loihi e 'ku ae ai o Kina ma ke kahua e hiki ai ke hoonioni aku i na aupuni nui o ke ao nei. Aia na alanui kaaahi ke moe la ma Kina i keia manawa, aka iloko o na makahiki he iwakalua e hoea mai ana, e ikeia aku auanei ka puni ana o kela aina nui i ke kaaahi, i oi loa aku imua O'kekahi mau wahi e ae o ke ao nei. Eia o Kina ke hoomakaukau mai nei i kona oihana kaua moana, ke hoouna nei i kona mau kanaka opio iloko o na kula a'o koa, me ka hoolilo ana i kekahi huina dala mahuahua no keia mau hana, a ua paa hoi ka manao o na kanaka e kinai aku i ka laha ana o ka opiuma, a ina e holomua ana kela hana kinai opiuma, alaila e loaa ana ia Kina he anuu kiēkie loa ma na mahele like ole ma ka hookele aupuni ana.