Ka Nupepa Kuokoa, Volume XLVI, Number 19, 7 May 1909 — PANE IA KAAHUMANU OIAIO. [ARTICLE]

PANE IA KAAHUMANU OIAIO.

Mr. Lunahooponopono o ke Kilohana a ka Lahul a o ka Ipukukui pio ole L ka Makani Kauaula, a i oleia o ka iki Haokila Makeneki e hooni nei i ke alahao, a o ke kapena opio hoi nana e rula nei i ke Ahiu o na ale o ka nionna, o na kai o Hawaii nei. E oluolu hou mai oe no'u ke kau wahi kaawale o ke kino laliilahl o ka Hiwahiwa e hookomo iho ma ke kau wani kowa kaawale i kela mau hua moakaka e kau ae la maluna a nau hoi ia e hoomaikeike aku i na kini heluhelu o ke Kuokoa e noho la mai ka Hikina a ka la ma Kumukahi ma Puna Paia ala i ka Hala, me ka Hinamo, a hiki loa aku i Lehua, ka Ailana i olelo ia ke kaohi nei oia i ke kukuna o ka la i ka ili kai. Ma ka nupepa Ke Alpha Aina o Aperila 24, 1909, ma ka aoao Elima i ike •īho ai au i ka pane a Kaahumanu •Oiaio ia'u a i ko'u kilohi ana i na kukulu manao ana mai ka mua a ka puehu ana, aohe waiwaiio iloko o ia kaiaimanao ana, hookahi wale iho no 0 ke kuhalahala i ka inoa maikai o ka Ahaliui Kaahumanu i ka hoolaha ia i ke akea, he hoolaha oleia no hoi paha i ke akea ina he pololei ka hana a ka Hui, hoomanao ae ia au i keia wahi kanaenae: r Ina Koolau —e ino Koolau, j Ai kena i ka Ua o Koolau, ; Ke ua ma} ia i Maelieli, ' i Ke hoowaawaa ae la i Heeia. I Ke ku-pa ku-pa mai la ka ua i ke kai. | Hoakaka mai o Kaahumanu oiaio l ke Kumukanawai o ka Ahahui Kaahumanu ma kahi e pili ana i na lala aie 1 ka Ahahui ke hala ekolu mahina, ua nele i na pomaikai mai ka Hui mai wahi ana, ma ka'u Buke Rula hoi e paa nei o ka Ahahui Kaahumanu he okoa loa na mea i palapalaia, nana ma ka aoao 11, pauku "6, penei: Ina e uku ole mai kekahi hoa i kona auhau kumau a hala na mahina eono alaila e manao keia Hui, a o na āala apau ana i uku ai ua pili ia no' ka -Hui, Pololei kela. Ina e noho aie ana kekahi o na Jala a hala na mahina eono aole ona kuiloko o n& pojnaikai o ka !Hui, Pololei hou no. . E nana mai kakou 1 keia e ka lehulehu, o ka wai la ka pololei, o ka'u paha, a i ole o ka ia nei ae paha, oiai he elua o ia nei kino hookahi kino no ka Ahahui, hookahi '.hoi kino (he aka kino wailua hoopahaohao). ! O ko'u hoi hookahi no o'u wahi kino oia no au e kalahea nei mai kela pe'a o ka aina a keia pe'a o ka aina he lala o Mrs. Julia Kaaimalama lona i aie ole i ka Ahahui Hui Kaahumanu, ua nele iho la nae i na pono hoolewa 0 ke kino lepo, oiai aole i oi aku mamua o na mahlna eono e Hke me ke kuhikuhi o ke kumukanawai o ka Ahahui. Oia ka'u e l ae nei l ke alo iho la no ka buke rula o ka Ahahui o ka hala iho la no ka ia oka ike. Hihi Kaunaoa Hihi Mana, Aloha ia laau makua ole. 1 Pstne hou mai no oe ia'u no ko'u uku ana i "ke dala o ka Hui i haawi j mai ai 1 ola no ka'u wahine ma'i, wahi au aole paha no'u ia hewa, na ka makemake no o ka mea nana ke dala i liaawi ia mai ai mamuli o kana kauoha' ia'u ua hooko aku au, haawi aku au $2.25, ma ka Hma o ke Komite Mrs. Hattle Kalei Holi me ka nana aku no o na maka o ka mea ma'i ame ka ohana apau, aole lioi me kau i pane mai nei, waiho a make alaiia uku 'aku la ka au i ka aie o 'kuu wahine, he mea kupaianaha aole ka paha oe 1 heluhelu pono i na manao iloko o ka Nupepa Kuokoa o ka la 23 o Aperila, 1909, nona ke poo manao Kuu Wahine Hele loa, ina oe pono ihO ana e pau no kou pohihihi. Pane hou iho no ia'u o ka ekolu la o ka manawa, waiho ka ,au a make alaila makee au i ka'u wahine, he kupaianaha na olelo o ke aloha ole i p.uka mai mai ka waha mai o kekahi hoahanau o ka Ahahui o Kaahumanu he mea oiaio he makee au i ka'u wahine ko'u hoa pili, hoa hele o ka ua ame ka makani, hoa a-lo pu i na inea o keia ola honua, oia ka'u e ka ae nei: ( • He nohea ka'u wāhine i kuu maka, A he milimili na kuu mau lima, He ānoi hemo ole ia na'u, i He aloha no na kau a kau. | O keia iho la ko'u makee i ka'u waihine aole e like me ka ka Ahahui i nana maka iho ai nolaila e na makamaka ame na hoaloha e nana mai kakou i ka oiaio o keia mau hoakaka mai ka mua a ka hope o ka'u kukulu manao ana. ■ | Ke hooki nei au i ke klkoni ana i ka'u makasila iloko o ka'u ipu inika me ke ku maleauka'u e pale aku i na makani e pa lauwili ana ma kou mau aoao apau. I Me ke aloha i ka Lunahooponopono ame na keiki hoolele hua metala ko'u welina pau ole, Adieu. PAULO lONA. Nuuanu Damp, Aperila 27, 1909.