Ka Nupepa Kuokoa, Volume XLVI, Number 19, 7 May 1909 — UHAI HELE MA KA MOANA ME KA MARE OLE. [ARTICLE]

UHAI HELE MA KA MOANA ME KA MARE OLE.

m Ua hoike ae Ka Nupepa Chronicle i ka uhai hele ana o kekahi wahine mahope o kana kane hoopalau, ma ka moana mai ka makahiki 1907 mai a akahi paha laua a mare ke hoea iike laua ma Kapalakiko ke ole e uhaiia e na uiia pakalaki. Ma ka mahina o Aperila o ka makahiki 1907 ua hookamaaina iho la o Miss Winnie Dunlap, ke kaikaina o ka wahine a ka loio Aupuni o Manila, me kekahi koa, nona ka inoa o Walter Jacobs uia Mauiia, a hiki i ko laua hoopalau ana no ka mare. j Ma ka niahina mai o Mei, ua kauoha ia mai la o Jacobs e haalele ia Manila a e kau aku maluna o ka mokukaua no ka hele kaapuni ana i ke ao nei, a ua hoomaka no keia wahine e uhai! hele mahope ona. j Iloko o ka mahina o lune i hoomaka mai ai o Miss Dunlap e hookolo mahope o ke alahele o ka mokukaua, a no ka manao hoi e halawai pu ana laua ma Nu loka, eia nae, aole, ua huli hoi mai la o Jacobs no Manila, mamuli o ke kauoha a ke aupuni. Mai ka mahina mai o lune, 1907 a hiki i Aperila, 1909; aole i ike lihi aku kekahi i kekahi. oiai o Jacobs e holo ana maluna o ka mokukaua Ilinoi, aia hoi o Miss Dunlap e kau mau ana ma na mokuahi 6 haalele mau iho ana no na awa e ku aku ai o ka mokukaua. Iloko nae o keia Aperila i loaa mai ai he hookuuia ia Jacobs e hoomaha no ka wa pokole, a o keia ka laua manawa i manao ai e hookola ko laua mare. Ua hoea aku o Jacobs ma Kapalakiko i keia mau la iho nei, a ke kali la o ka hoea aku o kana waHine | •hoopalau.