Ka Nupepa Kuokoa, Volume XLVI, Number 19, 7 May 1909 — MAHALO NUI IA W. H. KAHIKUOKAMOKU. [ARTICLE]

MAHALO NUI IA W. H. KAHIKUOKAMOKU.

Mr. L«unahr)oponopono, Alnha oe:— Ke kapena e hookele ana i ke Kuokoa o Hawali, ka pua Pikake aala i na' moku, ka Ipukukui pio oie i ka makani he Kauaula, ka lio holo poli nahenahe i ke kula, o Hanakaupu, e upu ae ana au ia W. H. Kahiku o na Mokupuni 1 aikane na'u i ke kai pehu 0 ke Ka'ulua. O ka helu malama a'u I hoopuka ai oia no ka helu malama a D. Malo i unuhiia e Kauliluaikeanuwaialeale, i ka A. D. 1862 a 3 paha, a i unuhi hou ia e E. Kane i ka A. D. 1872 a 3 paha. Ua hoopuka au i keia helu maiawia no ka pomaikai o ka lianauna hou i mea e maopopo ai ka helu malama o kona, aina ponoi, he nui no na mea i koe e paa nei ma ka buke, oia hoi na la o ka hebedoma, na la o ka malama, ame na po e kau ai ka mahina, e hoopuka la aku no ke oluolu mai na limahana pauaho ole o ke Kilohana Pookela o ka Lahui Hawaii. Pololel oe e W. H. Kahiku o nft Mokupuni, aole io no he bipi kane a hipa kane a kao kane ma ko Hawaii nei helu. O ka pololei maoli o ka helu malama he mea paakiki loa, o ka mea i loaa 1 ko kaua mau kaikuaana oia ka kaua e hoike aku i ka hanauna hou, o kau kakoo mai 1 ka'u, o ka'u hapai aku i kau, oia ka mea e holomua ai ka kaua hana, ma ka lokahi ka ikaika. Ke hooki nei au me ke aloha i ke Kapena me na limahana o ke keena Pa'i o ke Kuokoa. P. K. UAIA. Helu 664 Alanui Puowaina, Kakaako Mei 4, 1909. Mamuli o ka make ana o kana kane ua naauauwa o Mrs. George Bailey a kuapupule maoli hoi, a oiai e holapu ana ke ahi i kona hale ua hoole oia i ke koiia aku e holo a e ole ka poo kinaiahi i kaualako okoa iaia pakele ai.