Ka Nupepa Kuokoa, Volume XLVI, Number 19, 7 May 1909 — OKIIA KA LIMA O KE KEIKI A LUNAKANAWAI STANLEY. [ARTICLE]

OKIIA KA LIMA O KE KEIKI A LUNAKANAWAI STANLEY.

Mamuli o ka manaoia ana, o ke alahele wale no e hoopakeleia ae ai ke ola o kekahi keiki uuku a Lunakanawai Stanley, o ia ke oki ana i kona lima a muumuu, nolaila ua hookoia aku ia hana maluna o ke keiki ma ka Poakolu nei. He keiki uuku keia nona na makahiki he ehiku, a e like no me ke ano mau o na kamalii ka pipii iluna o na kumu manako, pela keia keiki i pinana āku ai iluna o ka manako me ka nui ae o kekahi mau keiki, ma ka la Sabati aku nei i hala, a oiai e nanea ana i ka ohi manako ana, ua haule mai la oia mailuna mai a waiho ana iluna o ka honuu. Ua haki kona lima ma kela haule ana ona, a ma lea laweia ana i ke kauka no* ka hooponopono ana mai I ka lima haki, ua hoi hou ae no keka'hi mau iwi ma ko lakou mau wahi, a eia n£fe ua pii mal la ka pehu, i manaoia. ua loaa mai māmuli o ke koko ino. Ma ka Poakolu nei i loaa mai ai na manao i na makua, o ke oki wale ana aku po i kona lima ke kumu e hoopakeleia ae ai o ka laua keiki, a pela iho la i okiia ai kona lima. He kulana nawaliwali no ko ke keiki i keia manawa, aka nae ma na mea i oleloia ae, e palekana mai ana no keia keiki mai na- piiikia mai apau. Ala kona makuahine i Hawaii i keia manawa o ka pilikia i loaa i keia keiki, a aole oia i ike mai 1 keia mau hana, a o ke kumu paha hoi ia nana e hookaumaha ole aku i kona manao no ke kaawale i kahi e.