Ka Nupepa Kuokoa, Volume XLVI, Number 19, 7 Mei 1909 — NUI NA ULIA POINO I IKEIA MA NA ALANUI. [ARTICLE]

NUI NA ULIA POINO I IKEIA MA NA ALANUI.

He mau lio puiwa me na "kaa poi;iio ka i ikeia ma na alanui o ke ku'lanakauhale ma ka Poalua aku nei i hala e holo pupule ana a o kahi nae i laki ai aohe mau ola i make. O ka mua loa o na lio puiwa, o ia na lio e kauo ana i 'ke kaa o J. P. Cooke e kau ana i ka hiki ana mamua iho o ke keena oihana kahiko o ka Hawaiian Gazette ma ke alanui Kalepa, akelekele loa ka hooku'i me kekahi kaa e kalaiwa ia ana e kekahi Pake. Ua moku ae la ka ili huki a hoomaka aku la na lio e holo. Hakalia no ia CooTce a mai ke kaa iho palahuli iho la ke kaa a hoomaka aku la na lio e holo me kela kaa, a e ole ka pakuia ana mai e Mr. Marshall mamua iho o ka hale kaa otomobile paa ai. O ke "kalaiwa i kauoia ka mea i eha loa. Oiai o Mr. Smith e holo malie ana me kona wahi kaa otomobile ma ke alanui Hokele, a i ka hiki ana ma ke kihi mamua iho o 'ka Honolulu Library ua holo mai la ko Manuel Silva kaa otomobile me 'ka ikaika me ka nana ole mai he poe hele kekahi ma ke alanui, a hooku'i mai la me ke kaa otomobile o Smith a lele ana iluna o ke alanui helewawae me ka hoopaha puia oluna o kona kaa. He kalaiwa otomobile hou loa o Manuel Silva, >a ilo'ko o umi la 1 hala a o ke kolu .iho la keia o na ulia poino i ikeia mamulli 0 kona hookiekie, hawawa a hemahema me ke ano hookano nana ole i ka pono o lehulehu. I ke kaa iki ana aku o ko Silva kaa mauka iho pakele kekahi wahine mai palahe i ke kaa, alo wale iho no ma ka aoao, a hoomau aku la no o Silva 1 ka holo nui ana ma 'ke alanui Alakea me ka nana ole .iho i na ulia poino mahope ona. Ma ka hora 9 o ia kakahiaka no e holo atta kekahi Kepani o SuichlJo ka inoa. maluna o kona kaa baikikaia ma ke alanui Moi kokoke i ke alanui Papu, a iaia e holo nanea ana hooku'iia mai la oia e kekahi kaapio e kalaiwaia ana e 'kekahi Pake, Kapoo pu ke Kepani ame ke kaa baiklkala malalo o ke kaapio a hoomaka ka lio e puiwa a holo aku la ma ke alanui Moi a hrki i ke alanui Nuuanu. Ua paa loa ke kaa baikikala i ke kukuna 0 ka huila kaapio a pela i kaualakoia ai a hiki i ke alanui Nuuanu a e ole ka makai ku huina nana «i paa mai, a o ke kalaiwa, ke kaapio ame kahl Kepani maluna o ka balkikala kukuku ana i ka halewai. O kahi Kepani ka mea i eha, a ua ae nae ka Pake kalaiwa e uku i na lilo no ka hana hou ana 1 kahi baikikala poino. O ka hoohuli koke ana o ke kalaiwa Pake i kona kaa ma ke kihi ke kumu o kela poino. :