Ka Nupepa Kuokoa, Volume XLVI, Number 19, 7 May 1909 — KA WANANA A KA ELELE KUHIO NO NA KEPANI. [ARTICLE]

KA WANANA A KA ELELE KUHIO NO NA KEPANI.

O keia moolelo malalo nei ka ka Elele Kuhio wanana no na lahui Asia, 0 ia hoi na Pake ame na Kepani e lilo ana ko lakou hopena i mea hookau mai i ka weli ia Hawaii he umi makahi'ki mai keia la aku. LOS ANGELES, Aperila 21,—"1 keia manawa he kokua nui loa na lahui Asia i na hana hoomahuahua i na pomaikai no Hawaii, aka nae, iloko o umi makahiki i koe mai keia manawa aku e liio ana lakou i mau lahui hookau mai i ka weli." O keia ka J. Kuhio Kalanianaole, ka mea i kamaaina loaia ke "Keikialii Cupid" ka Elele o Hawaii i ka Ahaolelo Nui, e noho nei i keia manawa ma ka Hokele Alexandria i oleLo ae ai. "Aole e hana ana na Hawaii ame na Amerika maloko o na mahiko ma ke ano he mau limahana," wahi ana, "a nolaila o na lahui Asia wale no na lahui a na ona mahiko e kii ai i poe na lakou e hana ma na mokupuni. Ina i kiekie loa ka auhau dute a Amerika ina ua liio kona hopena i mea no Hawaii e hookeleia ai a like aku me ko Amerika, aka e like iho la me ia 1 keia wa o na hooikaika ana no na pomaikai apau ua haawiia me ka haa-1 wi ole mai i kekahi mea e ae e pono ai o ka hoonui wale mai no i na lahui limahana Asia. Iloko o umi makahiki e paio aku [ ana o Hawaii me na keiki a na lahui Asia. O kela poe keiki Asia i ka wa e 00 ae ai e lilo ana lakou i Kupa Amerika. Heaha aku ka kakou e hana aku ai ia lakou ia manawa? "Aole o'u ku-e i na lahui Asia, aka nae oia iho la ka hopena e hiki mai ana. I keia manawa aole lakou i lilo 1 mea hooweliweli mai, koe wale no o ko lakou noho ana ma keia mau moKupuni aole ia e hoololi ae ana i ke ano o ka noho ana o ke Teritorp e like me ko Amerika. E like me ka loihi o ko lakou malama ana i ko lakou mau wahi ma ke ano he mau kauwa a mau limahana ua hiki ia kakou ke hoohana e like me ka h'iki ia kakou ma na mea e loaa mai ana mai na ma'niko mai."