Ka Nupepa Kuokoa, Volume XLVI, Number 19, 7 May 1909 — KA HOOPII A KEKAHI KAIKAMAHINE NO KA UHAKI AELIKE. [ARTICLE]

KA HOOPII A KEKAHI KAIKAMAHINE NO KA UHAKI AELIKE.

Maloko o kekahi leka pokole i hoopukaia maloko o ka Nupepa Advertiser o ka pule i hala, e hoike ana ia i kekahi moolelo no kekahi kaikamahine opio Hawaii i holo aku nei i Nu loka e mare ai me ke kane i kelekalapa mai ai iaia no ko laua hoopalau. I ka hiki ana aku o kela kaikamahine aole laua i mareia a nolaila ua hoopii kela kaikamahine i kona poho imua o ka Aha a ua hookoia mai kana koi me ka loaa pu iaia he $7,000. O kela lede opio, aole ia he mea okoa aka o * Miss Sophie Myers, nona ka makuakane i noho hana ai i ka halekuai o S. N. Sachs ma ke ano he mea malama buke waiwai. Ua haalele iho 0 Mr. Myers ia Honolulu nei aneane ewalu makahiki i hala. Ma ka Nupepa ka New York World o ka la 17 o Aperila i ikeia ai keia moolelo e like me ia malalo iho nei: "No ka uku ana ae i ke poho i hanaia e Cupid i kona wa i hoao ai e kauoha ae i pua nana mai Honolulu a 1 Nu loka me ka noonoo ole i ka poino, ua hoihoi ae ke Kiure imua o ka, Lunakanawai Truax iloko o ka Aha! Kiekie ma ka la i ne'ninei he Olelo Hooholo e hooko ana i ke koi a Miss Sophie Myers $7,000, e koi ana ia Carl Kaiser, he kanaka hana hoailona u-| wila, e noho nei ma Auseteralia i keia manawa. "Ma ka olelo a Sophle Myers he mau hoakula like l&ua i ko laua wa liilil ma Nu loka a mahope mai ua lilo he mau hoaloha. "Ia Miss Sophie Myers i hala ai me kona makuakane no Honolulu ua noho no - o Carl Kaiser i Nu loka a mamuli o ka inoino loa o kona noonoo no ko Miss Myers hala ana ua hooholo iho la oia e haalele ia Nu loka a e hele no kekahi wahi okoa. Nolaila mamua 0 kr-na hele ana ua kelekalapa mai la oia ia Miss Myers no ko laua hoopalau a mahope ua hoike aku 'i oia 1 kona mau makua no ia hoopalau o laua, oiai he umi-kumamahiku wale no ona makahiki i kela manawa. Ua hoike ae o Miss Myers i kona mau makua no kela noi a Kaiser ā i ki holo ana o ia manao mawaena o lakou, ua hoike aku la oia ia Kaiser e lilo oia i wahine nana. Ua lawe pu ae o Miss Myers i na leka ame nā pane kelekalapa apau a Kaiser i kakau a'ku ai iaia imua o ka Aha. O ka leka a Kaiser i kakau aku ai i ka makua■hine o Miss Myers penei ia: "Ua aloha au ia Sophie mai ka manawa a'u i halawai mua ai me ia a ua makemake au e hoolllo iaia i wahine mare na'u. Aole no hoi au i nodnoo m'ua a hiki i kona wa i haalele mai ai i keia kulanakauhale akahi no a ulu mai ka manao iloko o'u no keia mea. Ua ike no au he wahi manao pipill no kona no'u, aka ma ko'u noonoo ana he oi aku paha ka ihaikai e noho hoaloha. Aole hiki ia'u moe me ka noonoo niii ole nona, a ina e ae mai ana oe i ko. maua mare ke hoohiki aku nei au imua ou e maiama pono no au ia Sophie e like no hoi me ko'u malama ia'u iho." Ua hoike ae o Miss Sophie Myers imua o ka Aha ua hoi aku M ame kona mau makua i Nu loka rio ka hoomakaukau i ka mare. I kona hiki •ana aku ua hoole o Kaiser i kat£nare koke me ia, a mahope ua hoole loa mal la aole laua e mare. Ua lilo ka Kaiser hoohoka ana, wahi a Sophie Myers i kumu hoonawaliwali i kona makuakane a o kona ma'i no ia i kaa ai a hiki i kona make ana. 0 kona makuahine pu kekahi, wahi ana, i hoonawaliwali ia a ua lilo ia ma'i i kumu hooilihune loa ia laua. Ua-.a'o aku o Lunakanawai' Tt-uax i ke Kiure e hoihoi ae i Olelo Hooholol e kakoo ana i ke koi a Miss Sophie Myers oiai wahi ana aole oia i ike i kekahi aelike mare hoopunipuni ino loa e like me ia. Aohe loio ma ko Kaiser aoao. He umikumamaiwa wale' no makahiki o. Miss Myers. He $30,000 kana koi poho 1 koi ai a ua hoemiia mai nae a ka $7,000.