Ka Nupepa Kuokoa, Volume XLVI, Number 17, 23 ʻApelila 1909 — KUU WAHINE HELE LOA. [ARTICLE]

KUU WAHINE HELE LOA.

I Mr. Lunahooponopono. Aloha oe:— | E oluolu īnai hoi oe no'u kau wahi kaawale o ka Hiwahiwa a ka lahui e hookipa aku i kela mau huapalapala e kau° moakaka ae la maluna i ike mai ai hoi na kini ame na makamaka e noho ana ma ka puka ana a ka la ma Kumukani i ka ehu a ke kai a ka welo ana a ka la i ka Mole olu o Lehua. • Ma ka hora 9 me hapa o ke ahiahi 0 ka la 7 o Aperila, 1909, i haalele mai ai i keia ola ana ka'u wahine i aloha nuiia, Mrs. J. Kaaimalama Iona i ka 27 o kona mau makahiki o ka hanu ana ma keia ao, a kuu aku la ka luhi ma ko maua home ma Kawaiahao, Honolulu, Oahu, mamuli o ka hoomailo ana a ka ma'i iaia no na mahina elua a oi mai ka mahina mai o Feberuari no o keia makahiki. Nolaila ua kau iho maluna o'u me kona kaikuaana na keiki ame ka ohana apau, ka luuluu, minamina, no kona haalele ana' mai ia makou e noho u aku nona ma keia ao. Auwe! aloha wale kuu wahine hele loa! # Ua hooikaika ia na lapaau ana no kona ola e ke kauka ua hiki ole, no ka mea ūa paa ka ke Akua olelo, no ka lepo mai no oe. a e hoi aku no oe i ka lepo. E hoomaikaiia o Iehova ke Akua, Nana no i haawi mai Nana no 1 lawe aku, Amene. He lala o Mrs. J. Kaaimalama Iona no ka Hui Kaahumanu o ke nei. O ka mea kupaianaha o keia "Hui o ka'u wahine i komo ai' no eiua makahiki ka loihi iloko o keia Hul Kaahumanu, aole ka hui i lawe i na noolilo o ke kino lepo o ka'u wahine a i ole hoi ia o kē kaa hoolewa paha. He neo ia, o ke kokua i loaa mai 1 ka'u wahine oia no kona ola pule T kona wa e ma'i ana, e hoomaka ana mai ka mahina mai o Feberuari la 8, o keia makahiki no a hiki i ka la 8 0 Maiaki. Ua loaa pono mai na dala kokua' he $6.00 o ka waiwaoii maoli a ka Hui e haawi mai ai i ka'u wahine he $8.00 ma ka $2.00 o ka pule me ka, olelo mai o kekahi o na alakai o ka Hui o Mrs. Wahineikaili, aohe dala 1 koe i kona lima e paa nei. Ua pau loa aku i ka lilo i kekahi lala ma'i o ka Hui Kaahumanu o lalo o Waianae. Hoomanao ae la au he kii makānunui aku la pahala, o ka'u kii hoi a ka Hui i manao ai he liilii paha ka ma-! ka, ua hiki hoi na ke au o ka ma- j nawa e hoike mai. | Mai ka la 8 mai o Malaki a hiki j i ka !a 5 o Aperila, ua loaa hou mai na elala malama ola mai ka lima mai 0 ke komite, Mrs. Kalei Maiaihi, Alias Hattie Holi, he $4.00. Mai keia mau | dala i loaa mai ia maua ua haawl aku au no ka aie o ka'u wahine he $2.25 ma ka lima~o ke Komite i lawe mai ai i lte dala i ka la 5 no o Aperila, me kuu olelo aku i ke komite $1.00 no ka lulu kumau ma ka 25 keneka- 1 o ka mahina. He eha mahina aie pela hoi na lala make $1.25, he elima lala make ma ka hapaha ko ka lala make hookahi. Ua lanakila ka'u wahine aole ona aie, o ka Hui .Kaahumanu ame kona' mau alakai ka i aie 1 ka'u wahine, Mrs. J. Kaaimalama Iona, kela koena dala $2.00 mai ka mahina mai o Feberuari a hiki i Malaki aia keia $2.00 ma ka' waihona o ka Hui Kaahumanu i kela la. Ma, ka la 7 o Aperila nei, ua haalele mai ka hanu oia o ka'u wahine 4 aloha nui ia Mrs. J. K. Iona, ua hele aku au e ike i naT alakai o ka Hui Kaahumanu, ua ha'i aku au ia lakou ua make ia o Kaaimalama, kekahl lala o ka Hui, ua pane mai la o Mrs. Wahineikaili ia'u, aohe kuleana o ka Hui e malama ai i ke kino make o Mrs. Kaaimalama wahi a lakou ua aie i ka Hui, elima mahina. E na hoaloha ame na makamaka e nana mai kakou i ka hana a kekahi Hui i loaa mai kona hookuleana ia ana mai ke aupuni māi pela iho la ka ka'u mea aloha e hanaia ai. Ina paha o na alakai o ka hui ua Ike ua aie o Mrs. J. Kaaimalama i ka Hui, heaha la ko lakou mea haawi mai i ke ola no ka'u wahine, haawi mai no nae lakou, nolaila, he hoike ana mai ia iloko o ka Hul he lala maemae o Mrs.. Kaaimalama, nolaila, malalo iho la o keia mau alahēle kakou e nana mai ai e ka lehulehu mai Hawali o Keawe a hiki loa aku i ka Mokupuni kaili la o lalo i ka hana a ka Hui Poo Kaahumanu o ke Kapikala nei ,aole hol pela kekahi mau Hui e ae e ku nei o ke Kapikala oia hoi ka ,Hui Pooia o na keiki o ka uwapo, Hui o na Oiwi Kane ame na kaikuahine, pela pu me ka Hui kane o Kauikeaouli ame na kaikuahine i kapaia Kalama. • Ina ua aie oe i ka lulu mahina no ēkolu mahina, pela pu me ka lala make, ua nele oe i na pomaikai e loaa mai ana mai ka Hui mai ma na ano apau, aole pela keia. Malama mai no lakou i ke ola pule o ka'u wahine i kona wa e ola ana e like me na hoike maluna ae, a i ka make ana o ka'u wahine oia ka wa o na poo o ka Hui a lala hoi o ka hui, i olelo mai ai ia'u ua nele oe i na pono hoolewa mai ka Hui aku, nau no ame kou ohana e auamo i na kaumaha apau i ke kino u kau wahine. I kela wa ua pii mai la ke anu maeele apuni ko'u nui kino, oiai ua ike iho au ua nele au I keia mau' mahina aole hana i loaa ia'u, ua noho au i ka pilikia o ka'u wahine i haalele mal ia'u i keia ao mauleule. E ole ka nui o na hoaloha ua kokua mai lakou i keia pillkia nui o'u a ma-ha ae la au.. Ina aole o'u mau hoaloha ma keia ao ua poino au i na hana a ka Papa Ola oiai ua kali aku au mai ka hapalua o ka hora eiwa o ke ahiahi o ka Poakolu o ka la 7 o Aperila, 1909, a hiki i ka hora 10.00 a. m. o ka Poalima la 9 no o keia mahina mamuli 0 ke kauoha o kekahi o na poo o ka Hui nui e kali iki pela a loaa mai ka palapala a ke Kauka alaila hoihoi aku 1 ka hale kupapau o C. E. Williams e waiho ai, aka i. ka loaa ana mai o ka pepa a ke Kauka ame ka pepa ae a ka Papa Ola oia iho la ka wa i pane ia mai ai na huaolelo ku i ke aloha ole e like me na hoike mamua ae nei. Nolaila aole au e hoahewa ana i ka inoa maikai o kuu Moiwahine Kaahumanu, aia maluna o na Poo nui ame na Komite o ka Hui ko'u hoahewa no ka hemahema o ka lawelawe ana i ka hana o ka lehulehu. Ke hooki nei au maanei me ke aloha i ka Lunahooponopono ame na keiki ulele hua metala ko'u welina pau ole. PAULO IONA. Honolulu, Aperila 13, 1909.