Ka Nupepa Kuokoa, Volume XLVI, Number 17, 23 April 1909 — KA MAUA LEI POINA OLE UA HALA. [ARTICLE]

KA MAUA LEI POINA OLE UA HALA.

Mr. Lunahooponopono o ke Kuokoa, Aloha oe:—E oluolu mai kou hanohano 'no maua kau wahi kaawale o kau Nupepa, i ike mai ai hoi na ohana ame na makamaka apau, i keia mau huaolelo e kau ae la maluna. Ua oluolu i ka Mea Kiekie loa ke kii aha mai i ka uhane makamae o ka maua lei aloha Miss Hattie Kauka ma ka auwina la Poaha, Aperila 15, 1909, a hii aku la ma kela ao nani, a waiho iho la i ka lepo e hoi i ka lepo. E hoomaikaiia o lehova, Nana no i haawi mai a Nana no i lawe aku. Ua hanauia oia ma Iwilei, Honolulu, Oahu, ma ka la 10 o Dekemaba, nolaila ua piha iaia he 7 makahiki 4 amē 5 la o ke ola ana ma keia ao inea, wale mai la no ia .maua kona mau makua, na kaikunane, na kaikaina, na makamaka ame na hoaloha apau. A maluiia ae o na mea apau, ke haawi nei maua i ko maua hoomaikai nui I na makamaka ame na hoaioha i haawi mai i ko lakou mau lima kokua o ke aioha oiaio, a kaana pu hoi i na ehaeha i loaa ia maua no ka maua lei poina ole i hala i ke ala hoi ole' mai. 'O maua iho no me ka luuluu na makua i l hooneleia i ke keiki. SAM KAUKA. MRS. HATTIE KAUKA,