Ka Nupepa Kuokoa, Volume XLVI, Number 17, 23 April 1909 — MUKAIA HE WAHINE PAKE E KA MANO [ARTICLE]

MUKAIA HE WAHINE PAKE E KA MANO

WAIL/PīKU, Maui, Apr. 17.—Ma ka Poaono aku nei i hala, ka ia 10, ua lilo aku la he wahine Pake opiopio nona na makahiki he umi-kumamaiwa i ke kai oiai oia e ku'i opihi ana ma kahakai o Pauwela; a ua pau oia } ka mu-kaia e ka mano. O keia iho la ke ano o ka mea i loheia ae ma Pauwela. He elua keia mau wahine i hele i ke ku'i opihi ma kela auwina la, o Ah Kum ame kekahi hoaloha e aku ona. Ia laua e noke ana i ke ku'i opihi, ua nanea loa ke kokooiua o Ah Kum a ike ole aku la i kona kokoolua i alaiia ae e kekahi olaelae pohaku ma kekahi aoao niai. laia ftae i haohao ai no kona kokoolua, ua manao iho la keia wahine, ua hu'ii hoi aku paha kona kokoolua no kona home. I kona hoea ana aku nae no kauhale, aole i loaa aku kela wahine a o ka manawa ia i hoomakaia ai ka huli apa; eia nae ua lilo ia huli ana i mea waiwai ole. Ma ke kakahiaka Sabati ae, ua hoomaka hou ka huli ana, a ike aku lq.' kekahi poe i kekahi mano nui i ka ai <ana i ka hapa o ke kino o ka wahine naiowaie. I ka manawa i hoikeia aku ai ka lohe no keia mea i ka oihana makai; ua nokeia i ka ninaninau na mea e piii ana i keia wahine, . eia nae aole he wahi moali iki i loaa no Ah Kum;