Ka Nupepa Kuokoa, Volume XLVI, Number 16, 16 ʻApelila 1909 — ELUA HUI KINIPIPI E HOOKUKU ANA I KEIA SABATI IHO. [ARTICLE]
ELUA HUI KINIPIPI E HOOKUKU ANA I KEIA SABATI IHO.
Ma keia Sabati iho e hookuku ana na hui kinipopo elua, ka na keiki o Kewalo ame ka ka poe koa Marina, ma kā Atkinson Paka. Ma keia paani ana e maopopo ai ka mea oi o laua a o ka hope loa paha ia o na paani ana o keia kau. Ina e kaa ana i na keiki o Kewalo ke eo hou i keia paani ana alaila o kona ku mau ana ia ma ke poo o ka hui a o ka pau ana ia o ka papa kuhikulii paani o keia kau, a ina e mau ana alaila e paani hou ana laua i akaka ka mea e lilo ai i moho. Ua paa loa ka manao o ka poe koa marina e lilo ana ia lakou ke eo ma keia paani ana. Ma ka lakou nana iho ua kaa ma ko lakou aoao ka hui maikai loa a ma ia kumu lakou i manao ai e kaa ana no ia lakou ke eo. Ma kekahi aoao hoi ke kaena e nei no na keiki o Kewalo e kaa ana ia la\cou ke eo a ua paa ko lakou manao e paio ana lakou no ko lakou lanakila, a ma ia kuinu iho la e maopopo ole ana na mea o laua e. lawe haaheo ana i ka inoa moho. E lilo ana kela paani i mea waiwai nui i ka poe makaikai. : —