Ka Nupepa Kuokoa, Volume XLVI, Number 16, 16 April 1909 — KE ANAINA HOOLAULEA AME HULAHULA A KA HUI OIWI. [ARTICLE]

KE ANAINA HOOLAULEA AME HULAHULA A KA HUI OIWI.

Holopono na hana a maluhia ko anaina hoolauka piha ehiku makahiki a ka Ahahui Oiwi o na kane ma ka po Ponkahi nei maloko o ka Odd Fellows Hall. He mau ha'iolelo hoolana manao me na himeni hoohauoli ka i haawiia mai e Peresidena Dwigbt, Frank IC. Archer, E. W. Palau, Wm. Chung Hoon, ame A. St. A. Piianaia, a i kokuaia mai e na himeni a na kalapn himeni a Sam Kanahole ame Jl C. Corney, a o ka panina hope o na hana hoolaulea o ia po o ia ke kaipuu likeia ana mai o na pa hau kilima me na mea ono like ole. Ma ka la 31 o Malaki i hala iho nei i piha ai na niakahiki ehiku o ke ku ana o ka Ahahui Kokua a Hookuonoono o na Oiwi Hawaii. a o keia kekahi 0 na Ahahui kahiko īoa e ku'nei iwaena o na kanaka Hawaii i kukuluia e na kanaka Hawaii a i onaia e na kanaka 'Hawaii. Ma ka Poakahi iho nēi i malamaia ai kekahi anaina hoolaulea e like me ka hana i maa mau i ka lianaia i na makahiki i hala e ia Ahahui, a ua konoia ka Ahahui a ua Wahine Oiwi Hawaii e komo pu mai ma ia anaina. I ka hiki ana ae i ka hora 8 ua hoomalu mai lā ka Pereßidena i ke anaina, a mahope o ka himooi a ka Ahahui ame ka pule mai ke kahunapule mai J. H. S. Kaleo, ua hoolauna mai. la ka Lunahoomalu o ke Komite hoolaulea A. St. A. Piianaia ia Peresidena Dwight imua o ke anaina, a nana i haawi mai i kekahi mau olelo a'o i ka Ahahui, a i kona hooki ana iho, ua himeni mai la ka papa himeni a Sam Kanahele i ke mele o ka Ahahui Oiwi. Na Frank K. Archer i haawi mai i kekahi mau olelo hoolaunā me ka panaiia mai e ke kalapu himeni a J. C. Comev. Na E. W. Palau i wohewehe i ka manao o ka hanaia ana o ke pihi hoailona o ka Ahahui, a i paku'iia mai e ka papa himeni a Sam Kanahele. Na William Chwng Hoon i hoakaka mai i kekahi mau nianao kupono no ka Ahahui a i kokuaia e ke kalapu himeni a ,T. 0. Corney. O ka panina o na ha'iolelo oia lea ka Lunahoomalu Piianaia, a i kokuaia e ka Hui Himeni a Sam Kanahele. A mahope iho o na ha'iolelo ame na himeni ua paneoia mai he mau meaai mama e ke Komite Hoolaulea, Ua hookuu?a ke anaina ma ka horn 9:50 p. m. no ka pii ana i ka liulahnla maloko o ka rumi hulahula iluna loa kahi a ke kalapu himeni Kawaihau e paani ana, a ma na hora kaliu o ia po 1 hookuu ai na lealea, a o ka pau ana ia o na hana o ia \>o. :