Ka Nupepa Kuokoa, Volume XLVI, Number 14, 2 April 1909 — HAWAIIA NO KA HOIKEIKE MA SEATTLE [ARTICLE]

HAWAIIA NO KA HOIKEIKE MA SEATTLE

No ke alualu ana e kaa kekahi mau mahaloia ia Hawaii nei ma na hana hoikeike e malamaia mai ana ma Seattle iloko ae nēi o ka mahina o lune, eia ke liuliu mai nei na komite ia lakou ia hana ma na mahele like ole 0 na hana hoikeike. Aia a ku mai ka moku lawekoa Dix ma ka la 1 ae nei o Mei, alaila maluna aku o ia moku e hoounaia aku ai na mea hoikeike e hoea aku ai i ka nianawa kupono loa ,no ka wehe ana 1 na hana hoikeike ma Seattle. E, hookaawaleia ana ma ke kahua hoikeike he hale kaokoa loa no na hana like ole o HaWaii nei. O ka hui himeni a E. Kaai kekahi e hele ana no kela hoikeike, a e waeia ae ana ka poe akamai loa ma ka himeni ame ka hookani! pila no ka hele pu ana aku me ia. E lawē puia aku ana na ano i'a like ole i ikeia ma Hawaii nei, a hooholoia iloko 0 kekahi kula w;ai nui, no ka makaikāi ana a ko ke ao nei. Maluna o na Mokuahi Dix ame ka Albatros e hoounaia aku ai kela poe i 'a. O na mea hana like ole a na kula kekahi e hoakoakoaia mai ana a hoounaia ma kela hoikeike, e loaa ai ka ike i ka poe e hoea ae ana ma kela hoikeike i na mea e hanaia nei e na kamalii ma Hawaii nei. E hoounaia aku ana no hoi na halakahiki i hiki aku ka huina i ka 400 mai ke nui a .ka liilii, a e hanaia ana kekahi kahua i wahi no ka hala e ulu ai, me he mala halakahiki maoli iio e ulu mai ana. E pili pu aku ana hoi ina kahi o keia mau hala, na noho koa ame na pakaukau koa, i makanaia mai e ka Hui Olopapa o Hawaii. O ke kope o Kona kekahi e hoomakaukauia mai nei, no ka .hoohainu ana aku i ka poe e akōakoa ae ana ma kela maw la, me ka lawe pu ana i kekahi mau kaikamahine u'i mai Hawaii aku nei no ka hoohainu ana i ke kope i ka lehulehu. O na huaai o kela ame keia ano e loaa ana ma Hawaii nei kekahi mahele ano nui iloko o na hana hoikeike o Hawaii e nele ole ai ke ku a makemake o na malihini e hele makaikai mai i Hawaii neL