Ka Nupepa Kuokoa, Volume XLVI, Number 14, 2 April 1909 — HE HOOMANAO I NA HOAPAAHANA. [ARTICLE]

HE HOOMANAO I NA HOAPAAHANA.

!Mr. Lunahooponopono, Aloha nui oe: —E oluolu hoi oe e hookonio iho ma kahi kaawale o ka Nupepa Kuokoa i kela mau mamalaolelo e kau ae la i ike mai ai ko makou mau hoapauliani o ka puupuu hookahi i ka hele loa ana o keia mau hoapaahana i aloha nui ia ame na hoomanao pau ole. Ile mau paahana lakou no ka Ekalesia o Waialua me ka walohia nui au e hoike aku nei i ko lakou mau inoa aioe ka manawa o ko lakou make ana. Eiā ko lakou mau inoa o Mr. Paipai, Mr. Alapai Mahoe, Jr., Mrs. Ahukifiialaa Kukea ame Mrs. Meliaka Kaianui. O ka malama o Feberuari o keia makahiki ko lakou manawa i inake ai, lie like ole nae ko lakou mau la i naue aku la, a pii eheu aku e komo iloko o kela Kanaana Hou, ke aupuni a ke Akua i hookumu ai mamua aku o ka hookumuia ana o'ke ao nei a. maha lakou ina kela home ma o, noho hoi makou me ka hoomanao ame ka walohia no lakou. Auwe no hoi ke aloha e! Ma na hana Ekalesia, Kula Sabati ame ka Ahahui Hooikaika Kristiano. No ka inau ana o ka manaoio, ka manaolana ame ke aloha i ka Haku nona ke kihapai, pela i ku ai keia mau hoapaahana ma ke kahua o ka hana a hiki i ko lakou moe ana iloko o ka Haku, alaila, Pomaikai ka poe make, ke make iloko o ka Haku, ma keia hope aku, he oiaio wahi a ka Uhane, e hoomaha lakou i ko lakou luhi a ke haliai nei no lioi ka lakou mau hana ia lakou. Ka hahai paha ia la o ka hana ke auwe nei, ke lioomanao nei, a ke luuluu nei i ka hana a ke alolia no ka mea, ua pale ke aouli, "Ua haalele i Puna na hoaloha." Auhea oukou e ka poe heluhelu, e 'hoomanao aku ana au ia oukou i na kahua like ole o ka hana ma ka Ekalesia o Waialua amo na wahi e ae a makou i hana pu ai me lakou, oia ka wa, "Oi moleu ole ia ke kaula dala, aole hoi i naha ke kiaha gula, aole i naha ka pakeke ma ka punawai, aole hoi f naha ke kaa ma ka luawai." No ka mea, ua. hala*lakoii, aka o na hoomanao ana no laleou, eia no me makou kahi i loku hala ole ai. E huna iho ana i ke aloha e pee maloko, aka, hu'e ia mai ana e lea waiinaka hanini muwaho.' „ Ke hoomanao nei makou i ke kahawai o ke Awawaihe, Kauaula, Kamōoloa, Kaihupea, na Paalaa, Kaluakini, Ukoa, Waimea, Puuiki, Mokuleia ame Kawaihapai, no ka mea ua pili aloha makou ma keia mau wahi no- ka'lawe hele i ka lamaku o ke ola mau ma na home. He mea ole ka wela o ka la ame ke anu o ka makani, he ua koluna e haluku ana o makou ko lalo e naue ana no ka Euanelio. Ua pau ko makou hele pu ana i ka loa ame ka laula o ka aina, ua pau ka pii pu ana i na'puu ka iho ana i na awawa, nft kahawai ame ka au aua ika wai. "Aloha ka leo o ka wai i ka hea mai.'•' "Haalele i Puna na hoapaahana." E ka Ehukai o Puaena e! e ha'i aku os ma na liome o kela mau wahi i ha'i mua ia ae la, aole laleou ,e ike hou i ka poe no lakou keia ilihia, 110 ka mea, ua pau ka lakou hana me lakou. Auwe ke aloha e! He aloha no o Hilo o ka Ua <Kanileliua, no ka mea, ua kipa aku makou i ka hana a ke Akua ilaila, a ike no hoi i ka nani o Hilo, i ka huli horana i ka Ehukai me ka lei lehua o Panaewa. Aloha no ia wahi o ka. hele ma-. lihini ana, aka he hookahi no kamaaina o ke Akua ka mea nana ka hana 0 k.a hele ana. Nolaila e -Hilo e! aole oukou e ike hou ana ia lakou no ka mea, ua pau ka Jakou hana me kakou. Auwe ke aloha e! He aloha no ka Malu o Lele o ka Ua Paupili, ua piliia e makou ke kai o Hanola ame na liana ma Wainee. He 01 aku nae ko makou hoomanao poina ole i ka Puu o Lanai ame ka leo o na manu like ole o na Mokupuni o Hawali nei i hiki ae i na hana Hji)ike Hui o ke Kula Sabati o ka Paeaina ma Lahaina. ,0 ka Puu o Lanai oia ko ma-

kou kahua i hoomoana ia ai no na hana o ka Ahahui Euanelio, lie malihini keia aina ia makou. lie malihini kona mau kaiaulu ame ka pa ana o ka na ia makou, aka hookahi no kar\\aaina o ke Akua ka mea nana ka hana o ka liele ana. . Nolaila e ka Malu Ulu o Lele e! aole oukou e ike hou ana i ka nani o ka Ehukai o Puaena no ka mea, ua pau ka lakou liana me kakou. Auwe ke aloha e! He aloha no ka Ua Kukalahale, ka Uluniu o Pokā-i ame na pali hauliuli o lee Koolau no ka mea, malaila maI kou ) kuwiliwili iho ai i na hana hoike | Kula Sabati o na kau i hala ae. No ko makou pili mau ana iloko o na' hanai maileai ma na walii' ,like ole i ha'iia ae la, pela makou e noho nei me ke aloha ame ka hoomanao ana i na hoapaahana me na luuluu he nni. Auhea oukou e na hoapaaliana iloko 0 lea Haku, aole no o ko kakou makemake ke hanaia aka o ko ke Akua no e like me kana olelo. '' Aole o kakou kulanakauhale e mau ana maanei." ,r A e like me ka mau ole o ko mau kulanakauhale ma ke ao nei, pela no e mau ole ai ko kakou-mau ola ma ka lionua. Nolaila i ka wa e pau ai ka hana a kekahi o kakou alaila e hoi koke no ia i kela home ma o, e like me 'ka olelo, "E waiho ana no he walii maha no na kanaka o ke Akua." Na ke Akua i kukulu i Kula Kahunapule malaila kona mau pukapa. he momi kona nmu alanui, he gula, aole hoi e ]iono ka malamalama o na hoku, ka mahina ame ka la ilaila. No\a mea, ua lawa ka malamalama o ka nani o ke Keikiliipa a ke Akua. O ka poe komo ma keia wahi maha ame keia kulanakauhale o ke Akua oia ka poe i kupaa ma ka pono a hiki i ka make ana, e like me ko makou mau lioapaaliana i hele aku la e halawai me ka Haku nona ke kihapai. Auwe ke aloha ame ka minamina pau ole, aka aole no nae ko makon : makemake ke hanaia o ko ke Akua no j '' Nana no i haawi mai a Nana no i lawe aku, e hoomaika'iia Kona inoa. "i Aole no makou i poina i ka olelo, j a ka Haku i i mai ai penei: "E ka'u| keiki mai hoowahawaha ae i ka hahau , ana mai a ka Haku. Aole hoi e maule! 1 kona hoeha ana mai ia oe. No ka mea, o ka ka Haku mea i aloha mai ai, oia kana hakau mai ai, a ua hoeha me ka hahau ina ke keiki upau j ana i aloha mai ai." "Aole au e haa-: lele ia oukou a nele." Aia hoi, owau | no me oukou i na manawa apau a hiki j i ka hopena o keia ao. Amene. Nolaila i ko makou haliauia ana me keia haawina, eia ka o ko ke Akua lima aloha ia me makou, eia ka, aole haalele ke Akua ia makou a nele, Oia pu ana me makou a hiki aku i ka ho- j pena o ke ao nei. No ia mea, ke mele nei makou i ke mele a na Anela. "E hoonaniia ke Akua ma na lani loa, a he malu hoi ma ka honua, he aloha no i kanaka." E na hoapaahana, na makamaka na hoaloha, na hoahanau, na ohana i neleia i na mea aloha, ka wahine kanemake, na makua i hooneleia i ke keiki, ame na kane wahinemake, Ano la! e liele kakou ia lesu, A e like me ka lilo ana o ke Akua i puuliomia, ikaika ame ke kokua kokoke loa no Davida i ka wa popilikia pela no o lesu e lilo mai ai i puuhonua ikaika ame ke kokua kokoke loa no kakou i ka manawa e like me ia, Nolaila o makou o ko lakou mau hoapaahana, ma o ko makou komite la penei: Hooholoia, ekahi. O ka poe apau iloko o ka ehaeha, ke kaumalia ame ka luulun rio ko kakou niau mea aloha i hala ak\i la, e ae mai ia makou e auamo pu ia mau haawina mp oukou, a o oukou pu lioi me makou, a oi loa aku ka pono o ke Akua pu me kakou, a o kakou pu me Akua, e like me kana olelo. "E noho oukou iloko o'u, owau .hoi iloko d oukou" pela kakou e pono ai e ka ohana i hooneleia i na mea aloha, o kakou iloko o īesu, Oia iloko o kakou, alaila maha kakou i na ino o ke ao nei. No ka inea, aole mea hiki ia kakou ke hana ke ole kakou e pili aku laia, nolaila e pili aku kakou ia lesu. e like me ka pili ana o ke|a mau hoa-

paahana ia losu a hiki i ko ljakou moe ana iloko o ka Haku. Hooholoia, E hoounaia hookahi kope i kela ame keia nupepa malalo iho .no ka hoolaha ana, Ka Hoaloha, Ke Kuokoa ame Ke'Aloha Aina. Kooholoia, ekolu. E hoopaaia ma ka buke nioolelo o ka Ekalesia o Waialua keia hoomanao i na hoapaahana. L. D. KELIIPIO, Komite E., K. S., ame A. H. K. Waialua, Malaki 22, 1909.