Ka Nupepa Kuokoa, Volume XLVI, Number 13, 26 March 1909 — HALA IA MAKUA O KA PONO REV. S. E. BIHOPA [ARTICLE]

HALA IA MAKUA O KA PONO REV. S. E. BIHOPA

Mahope koke iho o ka hora 8 o ke ahiahi Poalua nei i haalele mai ai o Rev. S. R Bihopa i keia ola ana, i ke kanawnlu-kumamakolu o kona mau makahiki. 'He onawaliwali no kona iloko o kela mau pule aku nei, a ma ke Sabati i liala, i emi hikiwawe loa mai ai kona ola kino, a hiki wale no i kona hooluolu ana aku la. He kupa Hawaii maoli oia, oiai ma Hawāii nei oia i hanauia ai, he keiki hoi na Rev. Artemas Bihopa, ka mea i lilo i misionari mai ka makahiki 1822 mai a hiki i ka 1873. Ma Amerika ko Bihopa wahi o ka hoonaauao ia ana, a iaia i hemo mai ai mai ke kula a'o kahunapule mai,

ua mare koke no oia i ka wahine, & huli hoi mai no Hawaii nei. Ua kohoia oia i Kahunapule no na luina ma liahaina, a no na makahiki eiwa kona noho ana ma ia kulana me ka mahaloia. Ua noho oia ma Hana ma ke an» Kahu no ekolu makahiki, a no umikumamalua makahiki ka loihi 9 kona noho ana ma ke ano he kumu poo no ke Kula 0 Lahainaluna. Ma Honolulu nei oia i hoohala ai i ka hapanui 0 kona mau la. He ana aina kana hana no kekahi mau makahiki, a he lunahooponopono hoi no ka nupepa Ka Hoaloha no kekahi manawa. He nui na kanaka Hawaii i kamaaina loa iaia, aole no e nele ko lakoa puiwa ke lohe aku i keia nuhou kaamaha, *