Ka Nupepa Kuokoa, Volume XLVI, Number 10, 5 March 1909 — OLELO HOALOHALOHA. [ARTICLE]

OLELO HOALOHALOHA.

I ka Makuakane waliinemake Mr. Hose Castro, na Keiki, na Moopuna ame ka ohana. Ua kipa ae la ka Anela o ka make ma ko olua liome aloha ma Moloaa, Kalana o Kauai, ma ke ahiahi Poaono, Peberuari 13, 3909, a lawe palanehe aku la i ka uhane o kau wahine i aloha nuiia, Mrs. Pailile Hose Castro. Walohia wale! ke hoomanao ae, o kau waliine i hala aku la, he onakuahine hooikaika a kokua nui i na hana o ka Ekalesia o Koolau nei, a pela no me ke Kula Sabati ame ka Ahahui C. E. He makuahine haipule oia, he puuwai hamama a he leo heahea a he mau lima puili aloha ana, ma ka hookipa ana i na malihini ma ka home. Ua hala ka makuahine ua mehameha ka hale, mai Aliomanu no a Papaa, noho ana Uluoma i ka pali o Moloaa, hele no Nina i ke ala a ka lole. Ua hala kau mea aloha Ua kunewa aku la i ke alanui i Waiokahua-—e Onaha—e, naha ke kanaka ka hale a ke aloha, Ka makamaka a ka moe i kipa mai lai, Ua ike —a. Aole o kakou kulanakauhale e mau ana maanei, aka, ke imi nei kakou ia wahi maha mau ma o kahi e ola mau ai. "Ka Lani kuu Home e maha mau ai Pokole paa ole kuu noho maanei No keaha e ohumu ke kau paa pu mai, Na eha, na luhi na kaumaha l —e." O ko kakou hoaloha a makuahine iloko o ka Haku, oia o Mrs. Pailile Hose Castro, ua hoomaha oia iloko o ka maluhia. E hooholoia, O makou o na luna, na hoahanau, na haumana Kula Sabati ame na lala ame hoa o na Ahahui C. E. o ka Ekalesia o Koolau i Huiia, ma 0 ko makou Komite la ke komo aku nei makou e auamo pu me oe me na keiki, amo na mooplina i hooneleia i ka makua ame "ke kupuna. E hooholoia, Ke komo aku nei makou me oukou me ka ohana i hookaumahaia, a na ke Akua aloha, e hoomama mai ia kakou iloko o kona lokomaikai. E hooholoia, Ke komo aku nei xnakou me ko makou, hoaloha, a makuakane i keia wa o ka luuluu, a ke pnle nei makou i ke Akua e hoomaha mai 1 na ehaeha o kakou. A maluna ae o na mea apau o ka Haku ko kakou Puuhonua i na manawa apau. E hooholoia, E haawiia i hookahi kope i ke kane me' ka ohana, a i ka Nupepa Kuokoa, Hoku o Hawaii, ame ka Hoaloha. O makou me ke aloha, S. W. Meheula, Lunalioomalu; J. E. Kamaka-i, Geo. Mahikoa, Jno. Hano, W. J. loena, Mrs. L. Kamaka-C Mrs. S. W. Meheula, Mrs. H. Hano, Mrs. Kuaaua Willianis, ame Mrs. M. Kainoa.