Ka Nupepa Kuokoa, Volume XLVI, Number 10, 5 March 1909 — HOOPAKELE I KA PAPA LUNAKIAI [ARTICLE]

HOOPAKELE I KA PAPA LUNAKIAI

Mainuli o ka puka ana mai nei o ka olelo hooholo a ka Aha Kiekie e hoole ana i ka mana o ka Papa o na Lunakiai ma na hookohu a lakou i liana al no na limahana o ke aupuni Kulanakauliale, nolaila eia ke kaukai 'aku nei na hoa o ka Papa a pela pu hoi me na limahana i ko lakou pono ma o ka hooholoia ana mai o kekahi kanawai iloleo o ka Ahaolelo no ka uku ana aku i ka poe i hoohanaia malalo o ke kauoha a ka Papa. He oiaio aole i hoohakalia wale na Lunamakaainana o Oahu nei ma ka onou ana aku i kekahi bila iloko o ka, Hale o na Lunamakaainana mahope iho o ka puka ana mai o ka olelo liooholo a ka Aha Kiekie no kela ninau i waihoia akn ai imua o ka aha. 0 keia wale no ke alahele maalahi e kauia aku nei e hoea mai ai i ka ukuia ana aku o na limahana ina e hooholoia mai ana e ka Ahaoleio he kanawai o ia ano. Ua hookomo ae nei o Lunamakaainana Kaleinpu, be bila e kauoha ana e ukuia na limahana apau loa o ke Kulanakauliale i hoohanaia ma na hana o ke aupuni mai ka la 4 mai o ka aku nei o lanuari i hala a hiki i ka la 15 o keia mahina. Me kela manao no ka holo o keia kanawai iloko o ka Ahaolelo, eia no na limahana ke hoomau mai nei i ko lakou hana ana ma na hana o ke aupuni, aka nae o ke kupono e hoohana ia aku na limahana mahope iho o ka (nuka ana mai o ka o!elo hooholo a ka Aha Kiekie, ame ka loaa ana aku o ko lakou uku no ia manawa, he ninau ano nui ia e noonooia ai no ka hooholoia o ka bila ame ka ole.