Ka Nupepa Kuokoa, Volume XLVI, Number 10, 5 Malaki 1909 — MAHALOIA NA KEIKI HIMENI HAWAII [ARTICLE]

MAHALOIA NA KEIKI HIMENI HAWAII

E hoike ana na nupepa haole o A- | merika i ka nani ame ke ohohiaia o na himeni a kekahi mau keiki Hawaii i. malamaia ma Jamestown, Nu loka, ma ka la 27 aku nei o ka mahina o lanuari, ke hele la a pau loa na noho oloko o ka hale a lakou i wehe ai i ka ahamele, a piha ku'i hoi na wahi kaawale e ae oloko o ka hale i ka poe makaikai. Ma kela ame keia himeni ana a lakou, e pa'ipa'i mau ia aku ana e ke anaina a he lehulehu na manawa a lakou i hookikinaia aku ai e hoi hou e himeni mai me ka hookani pu ana i ka lakou mau pila. O na liimeni kaole ame na himeni Hawaii ka lakou mau kimeni ma kela po, a na ka maikai o ko lakou ,mau leo ame ke ano o ka lakou himeni ana i kaili mai i na mahalo ame na hoohihi ana a ke anaina holookoa no keia poe himeni o na keiki Hawaii. Aole no he nui o ka lakou mau' mea kani, aka he mau kika no, he vaiolina ame ka ohe puluka, aka nae ua lawa loa ia mau mea kani no ka hoike ana aku i ke anaina, aole keia he mau keiki no Kula mai, aka he mau loea lakou maluna o na mea kani. * Iwaena o na himeni i lilo loa i mea hoohihiia e ka poe makaikai, oia no ka himeni kupalua i meleia e Anehila ame kekahi o na keikikane, ame ka himeni kupakolu, "Poni Moi," ke hele la a hoohihi maoli kekahi poe no ka nani maoli o na leo o*kela poe keiki himeni. Mawaho ae o kela mau hana himeni a lakou, aia he mau kii hoolele aka e pili ana i kekahi mau wahi o Hawaii nei, a mamuli o ka ike ana o kela anaina i na hiona nani o Hawaii nei i olelo maoli ae ai lakou i ka makepono o ka lakou mau dala no ka hele ana e ike i na hana o kela po.