Ka Nupepa Kuokoa, Volume XLVI, Number 8, 19 February 1909 — AE MAOLI I KONA HEWA. [ARTICLE]
AE MAOLI I KONA HEWA.
Imua o ka Aha Hookolokolo Amerika i noho ai ma ke kakahiaka o ka Poakahi nei i ae maoli aku al o Mr. John Stayton, kela haole o ka oihana leka o Honolulu nei i hopuia ai no ka wehe ana i ka leka a ha'i, i kona hewa e like me ia maloko o ke kumu hoopii e ku-e ana iaia. Ua lilo kela ae okoa ana akvi o Mr. Stayton i kona hewa i mea hookahaha aku i ka manao o ka aha ame ka poe makaikai pu, oiai o keia kekahi o na hihia i manaoia ai e loihi ana na la e hookolokoloia ai, aka ua hoopokoleia mai la nae ka hana a ia aha mamuli o kela pane i haawiia aku e ka mea hoopiiia. Ua hoopanee mai ka aha i ka manawa e kau aku ai i kona hoopa'i a hiki i keia kakahiaka, a ia manawa pu no hoi e hooloheia aī me kekahi mau hihia e ae e ku nei imua o kela aha.