Ka Nupepa Kuokoa, Volume XLVI, Number 6, 5 February 1909 — KA LUNAKANAWAI ELUA O KA AHA AMERIKA [ARTICLE]

KA LUNAKANAWAI ELUA O KA AHA AMERIKA

Ma ka lono kelekalapa i loaa mai nei mai Wakinekona mai, e hoike mai ana ia i ka apono ana o ke lcomite hookolokolo o ka Aha Senate o ka Ahaolelo Laliui no ka loaa ana ia Hawaii nei lie elua mau Lunakanawai. Penei iho ua lono kelekalapa la: WAKINEKONA, D. C, Feberuari 2. —Ua hoike ae nei ke komite hookolokolo o ke Senate-i ko lakou apono ana i ka bila no kekahi lunakanawai pa-_ ku'i no ka apana o Hawaii. Iloko o kekahi maii manawa i hala ae nei i ala mai' āi na manao no ka hoomahuahua ana ae i na lunakanawai o ka Aha- Amerika, mamuli o ka nui maoli o ka hana a Lunakanawai Amerika Dole, a i ka manawa i hoomaopopoia ai ka hookomoia ana he bila o keia ano iloko o ka Ahaol'elo Lahui, ua nui ka poe i manaoia no ka hoopiha ana aku no- kela kulana hou. j He nui na loio kamaaina ame na loio malihini no hoi e noho nei ma keia kulanakauhale, i loaa pu na hoa'loha ma Amerika na lakou e kakoo mai ia~ lakou no ka pii ana aku ma kela kulana. Me he mea la nae, mailoko mai o ka nui o na loio o keia kulanakauhale e alualu nei no kela kulana, ame ka poe pu lioi a ko lakou mau hoaloha e haawi mai nei i ka lakou mau kokua ana, o Lunakanawai H. E. Cooper ka mea lohelohe loaia no konā kupono no ia wahi, i loaa pu hoi na- mea e hookupono ana iaia no ia wahi. He. lpio keia i noho lunakanawai i ka wa o ke aupuni Hawaii nei e ku ana malalo o ka hooponopono aupuni Bepubalika, a he mau kulana ano nui kana o ka noho ana iloko o ke aupuni, e manaoia aku ai ua lawa oia me na hoaloha kupono e .hiki ai ke hooia aku, a ke haawi mai h<oifii na y Tcokua ana iaia no ke kulana hou e makemakeia aku nei.