Ka Nupepa Kuokoa, Volume XLVI, Number 6, 5 February 1909 — HOOKUUIA MAI KA HALE PUPULE MAI [ARTICLE]

HOOKUUIA MAI KA HALE PUPULE MAI

Ma ka auwina la o ka Poalima i hala i noho ai ka Aha Kaapuni e lioolohe i ka hihia'o Kauka Atcherley, mai ka hora elua a hiki i ka liora elima ahiahi, a o ka liopena i ikeia ua e Lunakanawai Robikana o Mr. Atcherley, ka mea i manaoia ua loaa i ka ma'i pupule a hoopaaia ai i ka halema'i pupule no ia ma'i, a mamuli o ka Palapala Hookuu Kino i waihoia ae e Mr. J. A. Magoon kona loio i liookuuia mai ai oia. Ua hookuu laelaeia mai oia e ka Aha a ua liaalele koke iho oia i ka rumi hookolokolo lie kanaka lanakila. Ma ka hoakaka a Lunakanawai Ro- | bikana, o ka Palapala Hoopaa a ke auJ puni i hana ai no ka lioopaa ana ia Kauka Atcherley i ka halema'i pupule o ke Teritore, ua ku-e loa ia i ka Hoololi Elima o ke Kumukanawai o Amerika Huipuia. "Ma ko'u manao ua ku-e loa ka Pauku 1116 o ha Kanawai i Hoopono pono Houia o Hawaii i ka Hoololi Elima o ke Kumukanawai o Amerika Hui puia ho ka mea, ma ia kanawai e hoakaku" ana aole kanaka e hooneleia i ke ola, ka noho oluolu a kuokoa ana a i ole ka waiwai paha, ke ole e hanaia kekahi mea eke kanawai. Ma ia ano ua hooneleia o Kauka Atcherley i ka noho. oluolu ā kuokoa ana a oia no hoi ka mea i hoakakaia maloko o keia Palapala Hookuu Kino, nolaila, e pono oia e hookutf loaia mai ka hoopaaia ana maloko o ka halema'i." Mamuli o kela hookuuia ana o Kauka Atcherrey, ua waiho loa aku la na Loio Suttcn ame Cathcart i kekahi palapala hoopii hoohalahala imua o ka Aha Kiekie, aohe nae he kahua o ka hoohalaliala i hoakakaia maloko o kela Palapala Hoopii. Ma Kela lawe houia ana aku la o ka hihia imua o ka Aha Kiekie me he mea la e loli mai ana ka olelo hooholo, a imua aku nae' o ia aha e maopopo mai ai ka olelo hooholo kupono loa.