Ka Nupepa Kuokoa, Volume XLVI, Number 5, 29 January 1909 — HE PILIKIA KE KUAI I NA LOLE O NA KOA. [ARTICLE]

HE PILIKIA KE KUAI I NA LOLE O NA KOA.

E like no hoi me ke ano mau o na koa Ameiika ke Mki mai i ko lakou wa nele i ke dala, o ia ka lawe hele ana i ko lakou mau lole, na kamaa no hoi e kuai aku i ka poe e makemake mai ana ma na kumukuai makepono loa, pela no na koa o Leilehua e nolee' mai nei i ke kuai i ko lakou mau lole i ka poe e makemake aku ana, aia ka pono o ka loaa aku o.ke dala'no ha mea a lakou i makemake loa ai. Iwaena o ka poe kuai nui i ka lole 0 na koa, o ka poe Pake ame na Kepani ka poe holomoku loa ma ke kuai ana, a oiai he mau hana hoopukapuka ka na Kepani, nōlaila he mau wahi okoa ka lakou e hoouna nei i kela mau lole mahope iho o ka hooluuia ana, no na kumukuai makepono loa. He mau lole nae kela e hookomo aku ana i kekahi iloko o ka pilikia, oiai ua ike na luna aupuni Amerika ame na aliikoa i ka hana kolohe a na koa 1 kela mau waiwai, oiai ua papa loa ia lakou ma ke kanawai aole e kuai aku ia ha'i oiai lakou e noho ana iloko o lea oihana koa, koe wale no, aia lakou a hoopauia aku ka noho aua ma kela oihana. E lilo ana i hana maalahi no ka poe e loaa aku ana e malama ana i kela mau lole, ina o "ke kaili wale no ka hana i makemakeia ai o kela mau lole mai ia lakou aku, a mau waiwai e ae paha, aka ina nae e manao ia ana e hopuia mai, e like me ke kanawai i hanaia no ia ano hewa, alaila o ka hOiOpa'i haahaa loa, he hookahi makahiki e noho ai i Kawa, ina ma ka hoopa'i hoopaahao, a lie hookahi hoi kaukani dala ina ma ke dala maoli. Malia paha mamuli o ka maopopo ole o ke kanawai pili i keia mea ke kumu e maka'u ole nei kekalii poe i ke kuai ana i kela mau pono o na koa, aka nae he mea e loaa ai ka malamalama inamuli o ka lieluhelu ana i keia meahou pili i ke ano o ia mau hana.