Ka Nupepa Kuokoa, Volume XLVI, Number 4, 22 Ianuali 1909 — HE HOOLEWA PIHA KUPAIANAHA Make Hookahi Kanaka, a Maule Elua Wahine ma ke Sabati Nei. [ARTICLE]

HE HOOLEWA PIHA KUPAIANAHA

Make Hookahi Kanaka, a Maule Elua Wahine ma ke Sabati Nei.

Ō kekahi ō make hikiwawe i kaU aku maluna o kekahi o na lala o ka Hui Kauikeaouli ma ka wa no ia e hoolewaia ana o Wm. Ringer no ka ilina. Ua ikeia ko Sam Kaluahine ano ma'i i ka wa e ka'i ana o ka huakai hoolewa a i ka hiki ana ma na huina o na alanui Beritania ame Nuuanu, ua nui loa iho la kona ma 'i a hoilioiia aku la oia noloko o kekahi hale ai hau kilima kokoke mai. He kiaha wai ka mea i haawiia aku i kela kanaka ia manawa, aka ua oi loa mai la kona ano e a hiki i ke kauoha kokeia ana aku o ke kauka no ka hele ana mai e hoopakele ae iaia, eia nae ua hala e ka puulena i Hilo He kanaka keia i noho hana ma ka uwapo o ka hui mokuahi Oeeanie, me ka haupu mua ole o kona hopena iho la keia, eia nae, ūa makaukau mau ka anela o ka make e kikoo mai i ka manawa i maopopo mua ole i kela ame keia mea. O Niolopa kahi noho o keia kanaka, a ua hiki aku hoi ka nui o kona mau maleahiki ma kahi o ke kanaha-kuma-makolu. He keu no hoi o kela wale ae la no ka haawina kupaianaha i ikeia, aka aole nae pela, no ka mea i ka huakai hoolewa e hoomau ana i ka pii ana aku nouka o ka ilina o Nuuanu, a i ka hiki ana ma ke alanui e mana ana i Pauoa, o ka wa iho la īa i maule ai kekahi o na kaikuahine o ka Hul Kauikeaouli, a hoihoiia aku la oia no kekahi wahi e hoomaha ai a hiki i ka loaa ana iaia o ka oluolu. Aole i pau na hana hookahaha a hoopahaohao mamuli ae la o kela mau makamaka i loaa i leela mau haawina, a i ka hoea ana o ka huakai hoolewa no ka ilina, a 'e, makaukau ana ke kahunapule e pule, o ka 'wa iho la ia i loaa hou aku ai kekahi wahine i na haawina i kulike me ko ka wrahine mha, eia nae aole i lilo i mea hoopilikia mai, ue hookahi nae mea nui, o ka h'ookahahaia aku o ka manao o kepoe mamuli o keia mau haawina i ikeia. Ua lilo no hoi kela mau haawina kupaianaha i mau mea kamailio nui ia ma ia huli hoi ana mai o ka huakai ma kela auwina la Sabti a ma ka Poakahi ae no hoi, a nawai no hoi e ole ka lilo i mea kamailio nuiia, i ke kupaianaha maoli no hoi, a ina paha no ko lakou pau loa i ka'make, e like me Sam Kaluahine, ina he keu ka oi ae o na haawina kaumaha a koikoi e ili aku maluna o ko lakou mau ohana.