Ka Nupepa Kuokoa, Volume XLVI, Number 4, 22 January 1909 — AOLE KUPONO E LAIKINIIA. [ARTICLE]

AOLE KUPONO E LAIKINIIA.

Mamuli o kekahi manao e hoolalaia mai nei e kekahi o na alakal o na kalapu himeni o keia kulanakauhale, no ka laikiaiia o na liana hookani pila, a mamuli o ka loaa ana mai o na lono oiaio i ka Lunahooponopono o keia pepa no ka hoi'o maoli ia ana oia manao ma o ka loulouia ana o kekahi mau hoa o ka Hale o na Lunamakaainana no ke kokua ana i ka hooholoia o kela bila, i hoalaia mai ai ko makou manao e kamailio maluna o keia mea. Eia maloko nei o ke kulanakauhale o Honolulu, he lehulehu wale 0 na kalapu himeni' me ko lakou mau alakai like ole, e like la me E. Kaai, S. K. Nainoa ame kekahi mau alakai e ae, e hoolimalimaia mai ana e na hokele, na aha hulahula, na hana ahamele a ua lilo hoi ia 1 hana e loaa ai ke ola i kekahi heluna nui o na keiki hana ole, aole wale no maanei, aka ma kekahi mau wahi e ae no apuni keia Teritore. Ua hoalaia mai ko makou manao ku-e i ka hooholoia ana O'keia bila ina he keehina kekahi e hoolalaia mai nei no ka onou ana aku iloko o ka Ahaolelo, malalo o keia mau kumu maopopo malalo iho nei penei: . .. ... Ma ka nana ana i ke kulana o na kalapu himeni e hoolimalimaia mai nei r.o ka hookani ana ma na wahi like ole a ma na hana like ole, aia lakou ma na papa like ole ma ke kaulana amt ko lakou mun alakai. Oke kalapu oi loa oke kau'iana e kau ana oia he auhau kiekie n 0 kela ame keiā manawa a lakou e paani ai, oiai hoi na kalapu haahaa e kau ana no i na auhau haahaa, a oiai he hana ku mau keia c ka iiookani pila i kela ame keia manawa, nolaila aole he mea pohihihi ke koho maoli ana aku i ka manao o ka laweia ana mai o keia hana ma ke ano e laikiniia, i hiki ole ai i na kalapu himeni haahaa ke hele e paani hou ma ia hana malalo o ko lakou hui iho, no ka hiki ole ke uku i ka uku laikini, a ma ka olelo pokole ana ae hoi, he hana ku keia i ka alunu. Ma kekahi manawa pokole i hala ae nei, ua hana aku la kekahi o na afekai o keia mau kalapu himeni he aelike me ka ona o kekahi o na halekeaka kii onioni ma ka ukuia ana he elua dala me ka hapalua o ke keiki hookahi no ka paani ana, £ oiai hoi ua hooneleia aku la kekalii hui okoa aku i kaukai i kona ola ma kela hana no kela pomaikai nolaila ua hele aku la kona alakai e noi no ka lilo ana mai o kela hana iaia no ke dala hapalua wale n 0 oka po. Ma keia ano, ua hooneleia aku la kekahi hui i na pomaikai i manao ia no kona mau keiki. O keia kekahi-u na mea nana i hooia mai he mau hana ku keia i ka alunu, no ka mea o ke alakai hookahi 110 e makemake ana e laikiniia ka hana hookani pila, o ia hookahi no keia e ake aku nei e lilo mau'mai na hana hookani pila' i kona hui ma ka imi ana ma na hana e hookoia ai kona makemake. O ke kaa ana aku o.ka laikini i na hui kaulana wale no o ke kulanakauhale, he kaili okoaia ana aku 110 ia o na wahi hunahuna liiīii e loaa mai ana i kekahi mau keiki mai kela hana mai, a ma kekahi olelo ana ae hoi, e konoia mai ana lakou e komo aku iloko o na hui himeni i hiki ke uku i na laikini, a e kaa aku hoi malalo o ka malu o na alakai e hiki ole ai ke,hooku kaokoa no lakou iho, mamuli o ko lakou ano ilihune a nele. Malalo no hoi o keia mau hana e lilo ana i haawina koikoi malu:na o ka poe e makemake aku ana e kii i na kalapu himeni no ka hele ana mai e paani ma na hana lehulehu i makemakeia, o ia hoi, ua hiki ole ke alo ae i na auhaU koikoi e kauia mai ana e lakou, a he hookahi ivale no hana pono o ka hooko aku i ko lakou makemake. Aole no ko makou makemake maoli e loaa na pomaikai nui i na keiki Hawaii apau ma kela hana, oiai lie oi pakela loa aku ka loaa ana o na hana lima a mau hana ike e ae' paha, i mau hana no lakou e pono ai, aka nae he mau mea kokua wale no keia no ka manawa hana ole. Me ke kanalua ole no hoi makou ke olelo ae, e ike maopopo mai ana no na hoa Lunamakaaiiiana Hāwaii i ke kaona maoli o keia bila e pono ole ai e hooholoia. Eia kekahi mau kēiki Hawaii ma Amenka e noho mai nei, me ka hookahua ana, o keia ko lakou hana e ola ai, e paani mau ana maloko o na hokele kaulana a mau aha hanohano me na uku maikai, aka ke paani nei lakou, me ka laikini ole, koe wale no, na ka maikai ame ke kaulana no o ka hui e kono aku i ka makemake o ha'i e kii mau mai ia lakou e paani. Malia paha e ala mai ana kekahi ninau ame kekahi mau hoakaka ana no ka hoopomaikaiia aku 0 ke aupuni, aka nae he oi aku ko ka leliulehu hoopoinoia mamuli o ke kauia mai o na auhau kiekie e na hui i laikiniiia, a o ka pomaikai 01 aku hoi no keia mau hui i loaa ke kuleana e lawelawe i kela ano hana me he mau oihana kalepa imi loaa la.