Ka Nupepa Kuokoa, Volume XLVI, Number 3, 15 January 1909 — AHA'I KA PUPUHI I KA I'A UKOA Holo Malu Kekahi Haole Nana i Pulapu i Kekahi Poe Lawelawe Oihana Maaanei. [ARTICLE]

AHA'I KA PUPUHI I KA I'A UKOA

Holo Malu Kekahi Haole Nana i Pulapu i Kekahi Poe Lawelawe Oihana Maaanei.

Iloko o ka noho nanea o kekahi poe lawelawe oihana o Honolulu nei, me ka haupu mua ole ae e koloheia aka ana lakou, o ka wa iho la ia i holo aku ai kekahi haole nona ka inoa o Braunen Nahome mai keia kulanakauhalo aku me ka waiho ana i kana poe o ka noho aie ana mahope nei e hoaa ai. He mau pule kakaikahi wale ae nei no i hala i hoea mai ai kela haole no keia kulanakauhale a hoolimalima i kekahi hale waiho wale ma ke kihi o na alanui Beritania ame Alakea, a o kana hana maloko o kela hale, o ia no ke kuai ana i na huaai o kela ama keia ano. He oluolu loa ke kuai ana a kela haole i kana mau huaai, ka mea nana i hookahaha aku i ka manao o kekahi poe e ae-o Honolulu nei, aka o ka olelo a kela haole, o kona kumu o ke kuai oluolu loa ana, i hikiwawe ai ka pau, me ka loaa o kahi puka uuku, eia ka he okoa loa ka manao e like me na mea i hoomaopopoia ae ma o kona nalowale honua ana mai ke kulanakauhale aku nei. He nui kana poe o ka noho aie ana, aole i uku i kona bila inamua ae o kona holo ana, a ua manao waleia, ua hiki aku ma kahi o na haneri dala ka huina o kona mau aie, I ka Poaono aku nei, oiai ka Mokuahi Makura e ku ana iloko ae' nei o ke awa, a no kona manao mua no paha, e kau aku Aaluna o kela mokuahi, ua hoomaka aku la oia e kuai i kana mau huaai apau ioa ma ke kumukuai hoopoho. O ka pahu alani keia e kuaiia ana no ka elua dala me ka hapalua, ua kuaiia aku la no ke dala hookahi wale no a pela me na huaai e ae. Ma kela auwina la Poaono, ua haaiele iho la oia i kona wahi hana a hoi 'aku la noluna o ka mokuahi Makura e holo ana no na