Ka Nupepa Kuokoa, Volume XLVI, Number 3, 15 January 1909 — NA KA MEIA E WAIHO MAI I NA LUNA AUPUNI [ARTICLE]

NA KA MEIA E WAIHO MAI I NA LUNA AUPUNI

Ma ka noho ana a ka halawai akea i kaheaia e ka Men's League, ma ke «hiahi Poalima aku nei o ka pule i hala, maloko o ka halepule o Kaukeano, ua hooholo kela halawai i kekahi Olelo Hooholo e laweia mai kekahi hoopii i mea e hoaoia ai ke ku i ke "kanawai o na hookoliu a ka Papa Lunakiai i hookohu ai no na luna aupuni o ke Kulanakauhale ame Kalana o Oahu. Xa W. R. Castle kela Olelo Hooholo i lawe mai a ua loihi no ka manawa i pau ma ke kukakuka ana no kela Olelo Hooholo. Ua waiho mai o W. O. Smith he noi kohoia i komite no ka launa ana aku me ka Papa o na Lunakiai ame ka Meia i ka wa e noho ai ka lakou balawai a e kuka pu me lakou ina paha he mea hiki kekahi e hanaia i kumu e kuikahi ai lakou, a ma ke kohoia ana ua haule ke noi ua pa'i a pa'i, a no ia haule ana ua hoihoi hou 0 Kamika i kana noi. He man pule ko - ka hui Men 'a League i huli pono ai i ka manao o, ke Kanawai Kulanakauhale, a ma ka halawai i malamaia ma ka po Poaiima i hala he halawai akea maoli ia i kaheaia, a ua lehulehu loa ka poe i akoakoa ae no ka noonoo ana i keia kanawai Kulanakauhale. O A. L. Oastle kekahi i hiki pu ae ma ia halawai. O ka ha'iolelo mua oia po, oia no o W. O. Smith a nana i hoakaka pokole mai i ka moolelo o ke kanawai 1 hanaia ai maloko o ka Ahaolelo. Wahi ana, o ka manao o ka Ahaolelo i hookumu ai i ke aupuni Kulanakauhale, kahi hoi i kaa ai ka mana hooko īloko o ka mana o ka Meia, me ka mana e vito ai i kekahi kanawai, a o ka mana kaukanawai aia iloko o ka Papa Lunakiai, me ka mana i loaa ia. lakou e a'e i ka vito a ka Meia. O ka mana hookohu a pau, wahi ana, aia ia i ka Meia, koe wale no na hookohu o na Hope Luna aupuni o ke Kulanakanhale ame ke Kakauolelo Kalana ka Lunahooia ame ka Puuku Kalana. Aohe wahi mana hookohu iki iloko o ka lima o ka Papa Lunakiai ma na

ano apau; o ka hana hiki wale no ia' lakou o ka hooiaio a i ole ku-e aku paha i ka poe a ka Meia i hookohu ai. Wahi hou ana, me ke kanalua ole ua loaa i ka Meia ka mana e hookohu aku i ka poe ana i makemake ai iloko 0 ka mahina o Dekemaba, eia nae, aole paha oia i ike he mana kona e hana aku ai i na hookohu ia manawa e like | me kana i hana iho nei; a i kona ma- [ nawa e hana ai ia hana he mea pono loa iaia. ke waiho ae ia mau hookohu imua o ka Papa Lunakiai no ko lakou apono a apono ole mai piaha. Aole nae oia i waiho iki ae ia mau hookohu j imua o ka Papa Lunakiai no £o lakou apono mai, a ma kona manao ana, he hana hemahema loaia ma ka aoao o ka Meia. *Ma kona noonoo ana, o na hoo-; kohu i lianaia e ka Meia ua lilo i mea, ole ina no i hana oia ia hana a waiho aku ia mea imua o ka Papa Lunakiai. ■ A me he mea la, wahi ana, oia iho lv no ke kumu ku-e o ka x'apa e like me ia e ikeia aku nei i keia la, no ka mea ua komo kuhohonu loa aku nei ka Meia ma kana hookohu ana, me kona noonoo ole ae he mana ko ka Papa e hana aku ai i kekahi hana i mea e mana ai kona mau hookohu e lilo ai i mea ku i ke kanawai. I O Mr. Castle ame Lunakanawai Kingsbury kekahi i hoakaka i ko laua manao kanawai maluna o keia ninau, a ua hala kekahi manawa loihi i pau ia laua ma ka weheweii«« manao ana he mana ko ka Meia e hana ui i na hookohu, a mahope o kona hana ana, pela e waiho aku' ia mea imua o ka j Papa no ko lakou apono a apono ole mai paha. Ma kq laua manao maoli,! aole loa i loaa ka mana i ka Papa e j hana i kekahi mau hookohu e like me , ka lakou i hoao ai e hana, a i ka ma- • nawa i pau ai o ka laua mau hoakaka j pakahi ana, ua ku mai o Mr. Logan, I kekahi o na Lunakiai i kohoia, a hoakaka mai la i kona manao e kakoo ana 1 ka pono o ka Papa ma ke iano laula. Na ke Kakauolelo a iia Meia Chas. j L. Bhodes i waiho mai i ka wehewehe' kanawai kahi a ka Meia i kalele ai i ka pono o kana hookohu ana.