Ka Nupepa Kuokoa, Volume XLVI, Number 3, 15 January 1909 — LOAA PONO KA HANA A KE KOLOHE Paa ke Kokua Luna Leka o Honolulu Nei, no ka Wehe ana i na Leka a Ha' i. [ARTICLE]

LOAA PONO KA HANA A KE KOLOHE

Paa ke Kokua Luna Leka o Honolulu Nei, no ka Wehe ana i na Leka a Ha' i.

I Ma ke ahiahi oka Poalima oka pule j i hala i hopuia ai o John T. Stayton | ke Kokua Lunaleka Nui o Honolulu nei, malalo o kekahi palapala hopu i | hoopukaia e ke Komisina Amerika Kingsbury, mamuli o kekahi kumu hoo pii i laweia ae no ke ku-e ana i ka Pauku 3891 o na Kanawai Amerika, a maloko o ia kumu hoopii e hooia ana i kona wehe ana i kekahi leka aole nana, aka ua komo mai nae iloko o I kana malama ana ma kona ano he lima hana no ka oihana leka. i Mahope o kona hopuia ana, ua lawe kokeia oia i ke Keena o ka Loio AmeTika Breckons a malaila oia i ninauinauia ai e pili ana i ka hewa i hopuia ai oia. I ka wa i hiki mai ai na ekeleka o ka mokuahi Nippon Maru a e weheweheia ana a o na kanaka e kuku aku ana mawaho me ka manao e loaa mai ka lakou mau leka, oia kona ma* nawa i hopuia ai a laweia i ke keena 0 ka Loio Amerika. Ua lilo koke ka nuhou e pili ana i ka hopuia ana o ke Kokua i mea nune nui loaia iwaena o ka pohai o ka poe e kuku ana mawano o ka haleleka i kela ma--1 nawa a ua pahola koke ae la ia lono 1 ma na wahi like ole o ke kulanakau- | hale nei, a o ke kumu nae o kona hopuia ana, aohe i maopopo i ka lehulehu. } Mamuli oka hoike mai a kekahi poe 1 akoakoa pu iloko o ke keena o ka ! Loio Amerika, ua ae māoli ae ka o Stayton i kona hewa, a he lehulehu na manawa ana i hookaawale &i i leka i hoounaia mai kekahi poe mai i weheia e ia i kekahi mau manawa i hala hope aku, a mahope o ka maopopo ana iaia o na mea apau oloko o ka leka, ua haehae oia ia poe leka a pau a puhi i ke ahi. 0 na leka oihana i hoounaia mai i ka Hare ke kumu o ka pilikia o keia haole. Ma kekāhi mau manawa like ole, ua loaa mai ia Mr. Hare leekahi mau hoakaka like ole mai ke Keena mai o ka Oihana Leka Nui e olelo ana ua hoounaia mai kekahi mau leka oihana iaia a ua hoopalaleha wale nae oia i ka pane ana aku ia mau leka, oia hoi aole oia i kakau iki aku ua loaa mai ia mau leka. Ua pinepine loa na manawa i loaa mai ai na leka o ia ano, e nuku mai ana iaia, a he lehulehu no hoi na manawa i nalowale honua ai kela mau leka, a mamuli o ka loaa ole ana mai o na leka i ka Lunanana Mr. Hare i hiki ole ai iaia ke pane aku ia mau leka, a nolaila hoomaka iho la oia e huli me ka palanehe loa me ka hoike ole aku i kekahi mea i kana mea e hana aku ana. Ma ia hope mai, ua nui no na leka i nalowale hou; ua ike oia ma kana huli ana ua haalele aku kela mau lelea ia Amerika me ka pololei, aohe nae i loaa pololei mai iaia, a pela oia i hoomaka ai i ka huli ana. 0 ka mea, i hanaia o na leka oihana kumau e hoo-

una* ia mai ia Mr. Hare, a like me ke ano mau, a o ka manao nae oloko o ua wa-hi leka elua iloko o kekahi wa-hi leka okoa, a e hoounaia mai ia G. W. C'arr, ke Kokua Lunanui o ka Oihana Leka o na kaaahi. I ka wa i hiki mai ai Da ekeleka o ka mokuahi Nippon Maru, ua hakilo loaia oia. Ua ikeia oia e haalele ana i kona runii hana, a holo aku la no ka rumi iluna loa o ka haleleka, a mahope aku no o Mr. Hare i hookolo aku ai a loaa pono aku j la oia iaia iloko olaila e heluhelu ana i kekahi leka o kona wehe ana ae no ia, a o ia leka ana e heluhelu ana, he leka ia i hoounaia mai ia Mr. Hare, a o kekahi leka i hoounaia mai ia Mr. Carr, a o ka leka hope oia ka i weheia a e hoomaka iho ana e heluhelu i kona manawa i loaa pono aku ai. I kona laweia aua i ke keena o ka Loio Ameīika ua ae oia i kona lawe ana i ka leka mai ke ekeleka ae a nana iio i wehe ka leka a Mr. Carr, a ua pinepine loa kana hana ana pela mamua aku me kona. haehae ana i na leka, a mamuli o kona hoike maopopo ana ae nana no i wehe na leka mamua aku i maopopo ai ke kumu i nalowale ai na leka ma na manawa lehulehu mamua aku a ka Oihana leka nui i ninau mai ai i ka Lunanana Hare. Ma ka oleloia mai i kela manawa ona i ninaninauia ai ua haawi ae ka oia i kekalii mau kumu jjale ma kona aoao i ke kumu o kona hana ana pela. O kekahi o na kumu, oia no kona hoohanaia a oi loa aku mamua o ka manawa hana me ka nui o ka hana a ua hopohopo oia e hiki mai ana he manawa e nana houia ai kona keena, a no kona makemake ole i ka nana hou ia mai o kona keena, oia ka ke kumu o kona haehae e i ka leka mamua o ka hiki ana mai o ia manawa. 0 ka hoopa'i no ka wehe ana i na leka e hoounaia ana i kekāhi poe ame ka haehae ana i ka leka he koikoi loa ka ukuhoopa'i, no ka poe lawelawe o ka oihana leka ke loaa pono ka hewa e like iho la me keia; O ka palekana wale no o ka lehulehu oia ka hoopono o na limahana o ia oihana, a i ka nele ana o ia ano hoopoho iloko o na limaliana o ka oihana leka e poino ana ka iehulehu. Ua lehulehu loa na makahiki a keia' liaole i noho hana ai iloko o ka lialeleka ma Honolulu nei, a ua pii mai oia mai ke kulana kakauolelo mai a hiki iho la i ke kulana ana i pauaka iho la, He kanaka opio keia me kona inoa maikai i na manawa ioihi i kaahope aku, a i keia la nfie akaki no a ikeia ae la kona kekee ma kana lawelawe hana ana.