Ka Nupepa Kuokoa, Volume XLVI, Number 3, 15 January 1909 — HAINA NANE. [ARTICLE]

HAINA NANE.

| Kuu Lunahooponopono, Aloha Makahiki Hou kaua:—E ae hou mai oe ina he wahi kaawale kekahi o ke kino lahilahi o ka Hiwahiwa a ka LahuL e hookomo iho i kela uiau hua moakaka e kau ae la maluna oia hoi ka haina o ka nane a kuu makainaka Mr. D. R. K. Aekai o ka Hema, i puka mai ma kou kino o'ka la 18 o Dekemaba, 1908 a nau hoi ia e ahai palanehe aku maluna o na pae puu, na awawa, na muliwai, a hoea loa aku maluna o na kai ewalu i apo ia e ka Moana kai hohonu | o ka Pakipika a na makani eha e pa lauwili ana mai ka la puka ma ka lae o Kumukahi.i ka ehu a ke kai, ma ka hikina a ka pulelo ana a ka la i ka mole olu o Nihoa. Aole au e hoopiha pepa wale aku ana ma ka lawe hou ana mai a kukulu i ka nane, aka ke lawe mai nei no au i ka'u mau haina e like me na ninau e ku nei, me ka lana mau o kar manao © hookipa aku ana no kuu makamaka o ka makakila Mr. D. R. K. Aekai o ka Hema me ka ulumahiehie ke kulike hoi me ka puana a ka inoe. Ninau 1. Owai ka inoa pakahi o keia mau Kama? Haina, o ko lakou mau inoa pakahi, oia no o aoao kalaiaina Repubalika, Demokarata ame Home Bula, ua puka ma£ lakou a ekoJu mailoko mai o ka makua hookahi o ia no ke Teritore o Hawaii nei. Ninau 2. Owai ka inoa o ko lakou mau kahu hanai ! * Haina, he hookahi no kahuhanai nui iloko o na hana kalaiaina o kela ame keia aoao pakahi o ia no na kalapu, kahi i hookumuia ai na aoao a pela au e mauaoio nei o na kahu'hanai ia o ua mau kama nei a kaua. I Ninau 3. Owai hoi ka inoa o na ki-1 ai ekolu? , , j Haina, i mea e ikeia ai ke kapukapu ame ka ihiihi o na hana kalaiaina, oia hoi kela mau kama, ua hoonohoia he mau lunanana a ma kekahi olelo ana hoi he mau papa lioopaainoa o ka poe kupono i ke koho baloka mai ia lakou mai ke aponoia e koho ame ka ole ( a ma ia ano, o lakou iho la na kiai o ua mau kama la a kaua. Ninau 4. Owai ho'i ka inoa o na komite na lakou e hooponopono i keia | heihei? Haina, ma ka panina hope o na hana kalaiaina e ikeia nei ma o kakou nei, o ia no ke kiei ana aku ma ka pahu balolra ma ka Ia 3 o Novemaba e like me ke kaif koho baloka i hala iho la, nolaila he la kukiniia no na kama, a o ka aoao e lanakila ana mā ke koho baloka ana, o lakoū iho la ke nolio ae ma 'na hana o ke aupuni, nolaila imua o na lunakanawai koho baloka e malamaia ai ia kukini, a o lakou iho Ia no ke komite no ka mea, o ka .lakou olelo hooholo, o ia iho la ka inea mana, e hiki ole ai ke hoopaapaa. aku, hoopaapaa no nae na Eepubalika no ke kulana Meia a haule pa-hu. 0 ka'u mau haina ae la keia, a ina ua hu aku Ia i kula ea, alaila' he nani hu ana ia, he auwaa liilii panana ole. Ke hooki nei au me ke aloha Hape Nuia i kuu makamaka D. E. K. Aekai 0 ka Hema ame oukou ho'aiiku « 'kuh mau hoa kakele like o ka makakila. K. K. G. AEKAĪ O KEAUAU. Helu 622 Alanui Marmiona. He elua mai la olua me B. M. Brewry 1 lele mai la i ke kawa hookahi, a ua kulike loa no na haina me kahi paewa liilii loa, a no kou kaa ana hoi he hiki j mua ma ka hookomo ana mai i kau haiha iloko o keia keena, nolaila ua l lilo ia oe ka makana, aka maluna iho | nae o olua a elua na mahalo kiekie ana no ka ikaika ma ka huli ana mai Ia i na ninau apau o keia nane.—L. H.