Ka Nupepa Kuokoa, Volume XLVI, Number 3, 15 January 1909 — Nuhou Kuwaho [ARTICLE]

Nuhou Kuwaho

KOMA, Jan. O ka nui o na poho no na waiwai i hoopoinoia e ke ola'i ua manao waleia aia ma kahi o ka hookahi biliona, elua haneri miliona dala. REGGIO, Jan. 9.—He mau hoonaue ola'i hou ka i ikeia maanei. . Hookahi kaukani kino make i eliia mailoko mai o kahi i hiolo ai o na kulanakauhale. Ua loaa hou aku ka pahuhao o ka banako o Italia me ekolu miliona dala iloko aohe i poino. He ekolu mau keiki liilii i uhiia e na wahi nahaha o ke kulanakauhale no ehiku la, i loaa hou aku e ola mai ana no. LAS PALMAS, Canary Islands, Jan. 10.—He mau hoonei ola'i ikaika maanei a ua nui na hale i hoopoinoia. MESSINA, Jan. 11.—Nui na kanaka i hoopakeleia mai na wahi nahaha mai o ke kulanakauliale i nehinei. Ua loaa pu aku ke kino make o ka wahine a ke Kanikela Pelekane. SEATTLE, Jan. 12.—Ua ikeia kekalii hoonaue ola'i ikaika ma na apana o ke kaikuono i nehinei. Maloko 0 keia kulanakauhale, o na apana o Bellingham, Vancouver, Vietoria ame Tacoma na wahi i ike maopopo loaia ka hooni ikaika ana. Ma kekahi mau wahi ua pau na kanaka i ka puhee iwaho o ke aianui no ka. inaka'u o hiolo iho na hale. BLUEFIELD, West Virginia, Jan. 13. —He hookahi haneri kanaka a oi i make 'mamuli o ke pa-huia ana o ka lualanahu. WAKINEKONA, Jan. 14.—Ma ka la 1 nehinei, ua holoia e Peresidena Rusawela he kanaiwa-kumamawalu mile, maluna o ka lio iloko o umi-kumama-hiku hora i mea e hookoia ai ke kauoha e koi ana e hoaoia ka ikaika kaulio o na aliikoa o na pualikaua lio. He eha ona mau lio i kau ai.