Ka Nupepa Kuokoa, Volume XLVI, Number 3, 15 January 1909 — Nuhou Kuloko [ARTICLE]

Nuhou Kuloko

Eia o Lunamakaainana Henry Ka-1 wewelii o ke Kai Malino a Ehu i ke I kulanakauhale nei i keia mau la. He o ia mau no ke kaawale o ka aila mai ka wai mai, pela no ke ku kaokoa o Meia Fern mai ka Papa Lunakiai mai ma ka lakou mau hana. Ma ka huli hoi ana mai nei a ka Mauna Loa mai kona mau awa maa mau mai, i loaa mai ai ka lono i keia keena, aole i laweia mai na ukana o kekahi mau awa no ka nui maoli o ka ino. Ma ka manaoio o kekahi o na Demokarata oiaio, o ka poe wale no e lawelawo mai nei i na hana o ke Kulanakauhale, ke pono e ukuia aku, aole o ka poe e ku a kii wale mai nei no i hookohuia aku e ka Meia. Ua ikeia kekahi hoonaue ola'i ma Hilo ma ka po Sabati nei, a he elua mau hoonaue liilii i ikeia inamua aku. He malie ka inoana me ka hala'i, a no ka malino loa o ke K.ai ua hiki ke ikeia ke aka o Kaluapele iloko o ke kai. ♦ Ua loaa aku nei ke aponoia no ko Oeo. Kekipi lilo ana i akena no keia pepn ma Molokai. O ka poe e manao ana o Molokai e lawe i ke Kuokoa, ua hiki no ke hui pu aku me ia, a i ole e hoouna pololei mai no i na kauoha ma keia keena. Nonanona oluna o ka uwapo Amerika i na koa marina o ka bataliona hou, no lakou ka nui he 450 i ka wa i ku i mai ai ka moku lawekoa Thomas i ka Poakolu nei. Malaila ae ka Bana Hawaii kahi i houheuhene ai me ka lakou mau mea kani. Ma kekahi wahi o keia pepa e ikeia ai ka hoolaha a Mrs, Mary E. Lindsay e kono ana i ka poe apau i kuleana i ka pa' ilina o Puea e aleoakoa ae ma ka pa ilina nm ka hora umi o ke kakahiaka o keia Poalua ae no ka noonoo ana i kekahi kumuhana ano nui. Maloko o ka hokele lana i malamaia ai kekahi halawai ma ka liora eha o ka auwina Ia Poakolu nei, e ka Ahahui Civic Federation, no ka noonoo ana i ka hana kupono e hana ai no ka hoohiwahiwa ana i ka Ia hanau o Peresidena Aberahama Linekona. Ke lioomakaukau mai nei na luna'hoohana o ka hui keaka Kepani Asahi he hoikeike i hookahuaia maluna o ke kumuhana ka pilikia e ulu nei mawaena o na Kepani kuhalahala ukuhana ame ka poe mahiko, a me he mea 1 a e kapaia ana ka Inoa o kela hoikeike ka "Ukuhana Kiekie." Y_a ka la 21 o keia mahina e malama ai na Pake i ka la Konohi, a ke liuliu mai nei na Pake kuonoono 0 keia kulanakauhale e haawi i kekahi mau hana lioohiwahiwa e kaa ai 1 makaliiki oi ae mamua o na makahiki i hala ae,» nei. Ua manaoia he ekolu mau la a na Pake e hauoli ai. E hele ae e nā Lede makaoniaonn, e nana i na heiau o na wāiwai hoū loa o ka hoea ana mai nei ma ka halekuai o Jordan. Eia lakou ke kuai ia aku nei ma na - kumukuai haahaa a oluolu Ke mau nei no ke kuai ana aku i na koena o kela ame keia ano. E nana ae i ka lakou hoolaha e pulea aku nei no ke ano o kela ame keia waiwai.