Ka Nupepa Kuokoa, Volume XLVI, Number 3, 15 Ianuali 1909 — NA MEA HOU MA KAOHE NEI. [ARTICLE]

NA MEA HOU MA KAOHE NEI.

He nui ka la ma Kona nei i keia mau mahina e nee nei nui ka pilikia o na kanaka ame na holoholona i wai. He makahiki no hoi keia i ikeia ma na Kona'nei ka malie maikai o .ke kai aole pela na makahiki i hala aku la. Ma ka po Poaha 0 ka la 24 0 Dekemaba i hala aku la ua malama ia he j halawai Laau Karisimaka maloko o ko makou luakini ma Kaohe nei na Mrs. Lizzie Ahia, Hui ame ke Kahu Kula Sabati S. Moses Kuaimoku i hooponopono na hana, he mau haawina e pili ana no ka hanau ana o ka Haku mai na kamalii a he mau manao paipai mai kekalii mai 0 na makua^ Pau ia mau kumulaau ala mai he mau manao hoolana he paio. Pau ia he mau himeni hoolaulea mai kekahi mau opio ame na lede mai kekahi mau wahi mai, kekahi mai na oi)io ae no 0 ke KulalSabati. / Mahope iho 0 keia mau hooheno ana ua haawi ia he mau mea ai mama me ka wai lemi, a haawi pu ia he mau makana i na keiki i paa ko lakou mau inoa he mau haumana Kula Sabaki iloko 0 na mahina i hala mua aku. 1 Nui na makua ame na kamalii i akoakoa ae e ike i nei mau hana maikai, nolaila e hoomau e Kaohe i ka hana i na hana maikai a e hoouna mau ae no hoi i ka oukou mau kamaiki i ke Kula Sabati kahi e a'o ia ai na hana maikai. O keia no hoi' ka mua loa i hanaia ai he Laau Karisimaka ma Kaohe nei a he mea malihini loa keia i ko kuaaina nei poe. Ua nui ka hauoli 0 kekahi pōe i ko lakou hoi ana a hiki i ka hale pau ka hauoli ua loaa ia lakou he mau wahi hora hooluolu, a 0 kekahi poe ua nui loa no ko lakou hauoli a ao{ ia po no ka nui o ka hauoli aohe e nōonoo ia aku o kahi o nunu puaa i manao ai no ka paina. kakahiaka, a 0 kekahi kalua no i ka puaa, waiho lilo i ka hauoli palahe loa ia, he luhi ole nae ia i ka nau he ale wale no. Hape Nuia. Ua majamaia na ahaaina Hape Nuia e like me ka mea maa mau ma Pāhoehoe ame Kukuiopae ma ia mau hale hui, a pela no hoi ma na kauhale ua piha a lawa me na puaa i hoomoamoa ia no ia la, a mai ia' la mai i malama ia ai ka Ahaaina ame na lealea ma ia mau hale hui a hiki i ka po Poalima nei la 8; o ka hopeia pau Ua lealea ma ka hale hui ma Pahoehoe. Ma ka Poaono ae la 9 oia, no hoi ka po hope ma ka hale hui ma Kukuiopae e piha mau'ana ke ao ame ka po ma keia mau hale hui, e hoolawa mau ia ana no hoi i ka poi, puaa, pipi ame na mea hou mai ke kai mai nui ke ohohia o ko Kona nei mau kei.ki 1 ka loaa ana 0 keia makahiki hou. Nolaila e na keiki 0 Kukuiopae ame Pahoehoe malama houia ona mau puaa hou no keia makahiki hou ae ke hiki mai, mahiai ke kalo, a nui me na uala, ame na maia kaulana o Kona, oia hoi Polapola. Pehea oukou e Kalahiki, ame Hookena, na i keia mau hana a neia hoa o kakou? Ke lohe nei kou mea huli meahou 0 keia makahiki hou e hiki mai ana ka makahiki e manao ia nei e piha mai ana neia mau wahi me na makamaka inai kekahi mau wahi mai e ike 1 na kulana 0 ka hauoli ana o na kini o neia mau apana. SAM'L. MAKAIKAĪ, KAHAUOLI. Kaohe, Kona Hema, lanuari 10, 1909.