Ka Nupepa Kuokoa, Volume XLVI, Number 3, 15 Ianuali 1909 — HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe. [ARTICLE]

HE MOOLELO NO Hakawela Reminakona A I OLE Ka Momi i Loaa Aku Iluna o ka Wai, a o ka Mea Huna Pili i ka Moe Bebe.

MOKUNA XXXV. "Ua ano e i'o anei ko'u ano i kau nana mai?' i hooninau kolohe wale aku ai no o Akiholo, me ka noke ana ae i ka ueue i kona kino ma ke ano hoolalau. "Malia paha ua ano e i'o no ko'u ano, e like me kau e i mai la e kuu keiki, aka he kumu kupono no nae ko īa ano e an§, no ka mea akahi no au a i aku ia oe, ua makemake au e waiho aku i kekahi ninau imua ou, a pela i ike mai la oia iko u ano e, me ka nana ana aku maluna o Akeneki alaila nana aku ana maluna o ka n ° h °Ua puiwa koke mai la o Akeneki no keia mea a Akiholo e kamailio aku nei, a oia kana o ka pane ana mai: "Ina hoi ha he ninau kau i makemake ai e waiho mai imua o'u ke manao nei au e hiki ana no ia'u ke pane aku i kau ninau." "Ke lana nei no ko'u manao e hiki ana no ia oe ke pane mai 1 keia ninau, a ua makemake io no hoi au e hoopauia ko kaua pohihihi ma ia mea. Ina no nae he mau mea kekahi au i ku-e ai, ua makemake no au e hoike mai oe ia mea, oiai he ninau keia e hiki ai ke hoopauia ae na pohihihi, a i malaelae ka nee ana aku o ke au o ka manawa no keia mua aku. "Ke hoopohihihi loa mai nei hoi oe ia u e Akibolo, aka ke hooiaio aku nei nae au imua ou, e hiki ana ia'u ke pane aku i kau ninau, me ka nana ole, pehea ka pohihihi o ia ninau au e waiho mai ai imua o'u." . * "O kena ka pane ana a'u i makemake ai, ake manaoio loa nei xio au e hiki ana ia oe ke pane mai i ka ninau a'u e waiho aku ana imua ou, no ka mea ua lawa loa na hooiaio no ka pololei o kau mau mea i hana mai ai no'u, a ua waiho aku hoi au i kekahi o na mea i maa ia'u mamuli o ka lawe ana mai i kau mau olelo a'o ma kela la mua loa au i nema mai ai i ko'u ano o ke pahenehene ana aku ia oe. "Ea e Akiholo, malia paha ua hu wale aku ka'u mau olelo mamua o ka mea kupono i kamailio aku ai ia oe ma kela manawa mua loa o ko kaua halawai pu ana," i kamailio mai ai o Akeneki ma ke ano mihi malia pah§ ua komohia ka hoowahawaha iloko o Akiholo nona. "Aole, aka no ko'u lehelehe paha ka pilikia o ka hoopuka hewa aku la i kela mau olelo. Ua haawi io rtiai oe iau i kela la i kekahi huaale nana hoohehee aku i kekahi mau mea i paa loa iloko 0 ko'u noonoo ka mea nana i hoolilo ae ia'u i kanaka ano hou, a maluna o ka mea nana ia mau hana ka'u mau hoomaikai kiekie ana. "Ke kaumaha loa nei au i ka hoike ana aku ia oe e Akiholo ina ua hoopilikia aku au ia oe ma kekahi ano," me ke ala ana mai o na hoomanao iloko ona no na hana maikai apau a keia elemakule i hana aku ai nona. "O mai hoike mai oe i ko'u hookaumahaia e oe, no ka mea 1 hoike aku au i ka mea oiaio ea, ua hauoli maoli au i *ka lohe ana i kela mau olelo au i hoopuka mai ai ia'u ma kela manawa au o ka wahi ana i kuu lima eha, a akahi no au a hoomaka mai e noonoo aole paha na kanaka apau i like ko lakou mau ano. "I mea e maopopo pono ai kou ano ia'u, i kulike ai me kaii olelo, ua hahai mai la au mahope ou ma kela la, a hiki i ka loaa ana o kou wahi e noho ana, a o kela ka hiki mua o kuu hoao ana ia oe a hiki 1 ke ko ana o kuu makemake e hoi mai oe a noho maloko o kuu hale ponoi i kilo pono aku ai au i kou mau aōao apau." Ua noke mai la o Akeneki i ka akaaka no kona pukaka okoaia ana e keia elemakule a hiki i kona komo ana iloko o kona home, a akahi no oia a hoomaopopo iho o keia maoli no ka ka manao o keia elemakule i hana aku ai iaia ame kona makuahine. "Ea he keu maoli keia o ka nuhou hoakaaka au i hoike mai la ia'u e Akiholo," wahi a ua o Akeneki i pane mai ai me ke kuwakuwai ana ae i kona lima ma kona mau maka. "Aole paha keia he nuhou hoakaaka, aka o ka mea pololei maoli no ia, aka ke hu wale aku nei ka kaua mau olelo mawaho o ke kahua a kaua i kamailio mua mai nei, nolaila e hoi hou aku kaua ilaila, alaila ua loli hou ae la ke ano o ua elemakule nei a i kona ano mua, ke kaumaha o kona nanaina, a hoomaka hou mai la e kamailio: "Ua maopopo no ia oe e Akeneki, he wahi elemakule kama ole au e kuewa hookahi ana ma kela ame keia wahi me kahi ohana ole nana e nana mai i ko'u mau iw ? i ke hiki mai i ko'u mau la hope ma keia ao. He oiaio ua hoomaopopo no oe i kou ano, he elemakule uahoa au, a pela no i makemake ole mai ai ka lehulehu ia'u, aka nae ua hoopalupaluia mai ko ? u naau makona e kau mau hana maikai i, ku i ke Kristiano oiaio, Sl a'u e minamina loa nei ia oe ke haalele mai iau." ! Ia Akiholo e noke aku nei i ke kamailio i kela mau huaolelo, aia na kulu %vaimaka nunui e hiolo ana ma na papalina o Akeneki, no kona aloha i keia elemakule, a no ka mea ua ike io no hoi oia, ua loli ano eio maoli no o Akiholo mai kela manaw : a mai oko lakou noho pu ana, a ua pau hoi kona ano keke i ka lehulehu, ka mea nana i hookomo aku iloko ona i ka hooiaio ana, he naau maoli no ko Akiholo i piha i ka oluolu ame ka lokomaikai. "Malia paha ua kapa aku na kanaka ia oe ma na inoa lehulehu ma ke ano pahenehene, aka aole nae au mau hana a maua me mama ike ai no ke okalakala o kou ano e like me ka na kanaka e ae e kapa ai a e olelo ai nou. a ke manaolana nei au, e hiki ana ia'u ke pana'i aku i na hana ku i ke aloha ma ko'u aoao, no na hana oluolu au i hana mai ai no maua me kuu makuahine." "Aole o na hana maikai a oluolu ka mea a'u i makemake-ai e kamailio pu me oe i keia manawa, aka ua makemake au e ninau aku ia oe: Aole anei i loaa ia oe kā nohona oluolu a hauoli oiai oe ame kou makuahine e noho ana me a'u ma ke ano he mau mea lawelawe mai no'u?" "No ia ninau au ea, aole loa a maua mau mea e hoohalahala a\, ua kohu home maoli no ia no maua, ka mea hoi a maua o ka ohumuhumu like ana a haawi ae i na hoomaikai ana i na lani no ka loaa ana ia maua o ka home e maha ai a e malu ai mai na popilikia mai O keia noho ana." "A pehea aole anei oe i manao e hoolilo aku i ua home la i wahi nou e noho mau aku ai?" i ninau hou aku ai no o Akiholo. "Pehea la oe e Akiholo e waiho mai nei ia ninau imua o'u?" a noke iho la oia i ka uwe, no ka mea ina laua e hoi hou aku ana no kela home, e ala mai ana na hoomanao ana no kona makuahine, ke kokoolua o ka noho malihini ana aku ma kela wahi. "O ka'u e manao nei, o ia no ke koi ana aku ia oe e hoi ae no oe e noho pu me a'u a kii aku no hoi.au i kekahi wahine nana e malama mai i ko kaua wahi home, a i mea no hoi nana e kokua mai ia oe ma kekahi mau hana o ka hale, pehea ia i kou manao?" Ua aea ae la ko Akeneki poo iluna, a me na waimaka no e kihe'ahe'a ana ma kona maū papalina ua hoike aku la oia i kona manao i ka pane ana aku: "He oiaio ua maopopo no ia oe e Akiholo, aole loa he ohana o'u a'u e hoona akii ai ke hala ae keia pilikia i kau iho maluna o'u. O ka'u no hoi ia e noonoo nui nei i ka'u mea e hana aku ai, ke oluolu ae ko'u ma'i, a o ka'u w r ale no i manao ai, o ka humuhumu no ka hana nana e malama mai i ko'u ola, a ke hauoli nei au i ka hoi ana aku a noho aku malalo ou ma ke ano malama hale, a aole nae e nele ana ke ala ana mai o na hoomnnao ana no kuu makuahine no ka manawa mua loa a kaua e noho |ku ai, & malia o pau : ae no hcj ia ke hala kekahi .manawa loihi. | •

"Ua makemake nae au e hoike mai oe ia'u e Akiholo, ua kono | mai oe ia'u e hoi aku a noho pu me oe, aole me ka manao ua aloha mai oe ia'u no ka mea aole he mea e ae nana e kokua mai ia'u." "Auhea oe e Akeneki, e manao mai ana pālia oe, owau kekahi o fca kanaka alunu a painuu ina e hoike aku ana au ia oe, owau wale iho no ka'u i noonoo nui ai mamua ou ma keia kumuhana a kaua e kamailio pu nei. Ua ala mai ka maka'u ame ka hopohopo iloko o'u e haalele mai ana oe ia'u ma ka hoi ana aku he wahi okoa e noho a haalele hookahi .mai i kahi elemakule e noho i kela wahi mehameha." "He oiaio he mau mea ohana ole no kaua a elua," wahi a Akeneki, a ke manao nei au, ma ia ano, ke haawi aku nei au i ko'u ae no ka hoi ana aku a noho pu me oe, ke loaa ae ia'u ka ikaika kupono, a ke haawi pu aku nei hoi au i ka'u mau hoomaikai ana no kou koi ana mai nei ia'u e hoi aku a noho maloko o kou home." "Alaila akahi no a noomamaia ae la ko'u manao, a ua pau ka kaua kamailio ana no ia mea, a e pili ana no ko kaua ano mehameha a ohana ole a pehea no hoi ina e hookama aku ana au ia oe, i lilo ai kaua i ohana hookahi, pehea iho la ia i kou manawa? "O kekahi. kumu nui no hoi o keia makemake ana o'u e hookama mai ia oe, no ka mea he mau la helu wale no ko'u e ola aku ai, a aole a'u mea e manao ae ai, e kuleana mai i ko'u mau pono ma keia ao. He mau wahi dala uuku no ka'u, e hiki ai no ia'u ke malama aku ia kaua, a o kela hale no hoi me kona mau'pono apau, ua makemake au nou ia mau mea ke hala aku au ma kela ao, mamua hor o ke kaa aku iloko o ka lima o kekahi poe aole he mihimihi wale mai ia'u." 0 keia manao no ka hookama ana aku o keia elemakule ia Akeneki, he mea ano e loa keia ke nana aku, aka ua komo loa aku nae kela mau olelo a ua elemakule nei iloko ona e hiki ole ai iaia ke ho« ole mai, a ua loaa pu aku la no hoi ia Akeneki ka ike ame ka hoomaopopo ana, ua ake maoli aku no o Akiholo e loaa.he mea nana e hoohauoli aku iaia no ke koena aku o kona mau la o ke ola ana. Aole loa i loaa aku ka haili ia Akeneki eia o Akiholo ke hoolala nei i kekahi pomaikai nui nona, aka he hookahi wale no mea a ua kaikamahine la e noonoo la, o ia no kona noho aie ana no keia elemakule ma o ka haawi ana aku iaia i kekahi huina dala nui ame na me<\ e ae nona e pono ai, a o ia ka ua kaikamahine la o ka pane ana mai: "I mea e hoopokoleia ai ka kaua kamailio ana maluna o keia mea e Akiholo, ke haawi aku nei au i ko'u ae no kou hookama ana mai ia'u i kaikamahine nau, a i maopopo ae ai no hoi ia'u aia kekahi mea a'u e ui aku ai e like la me oe." "Ina pela ho mai ko lima," a haawi aku la no ljoi o Akeneki i kona lima a noke mai la o Aki,bolo i ka lulu, a pane mai la: "Ke paa nei kaua i ko kaua mau lima ma ke ano he hoopaa ana ia kaua iho, ma ke ano he makua a he keiki, a e kapa mai oe ia'u he makuakane nou mai keia manawa aku, a pela hoi au e kapa aku ai ia oe he keiki aole hoi ma kela mau inoa i maa ia kaua i ke kahea ana aku o Akeneki a o Akiholo." "He nani hoi ia e lawe aku ana oe ia'u i kaikamahine hookama nau, nolaila he hookahi mea a ua kaikamahine hookama la au i makemake ai e lawe mai i mea hoomanao no keia la, o ia no ko haawi ana mai i kena hainaka kalakoa au e paa la, a e lawe mai oe ma keia hope aku i hainaka keokeo, ua ku maoli no hoi keia hainaka kalakoa i ka hoohilahila." Ua hehe ae la ka aka a Akiholo no kela hainaka ona, aka ua haaw r i aku la no nae oia, no ka mea aole oia i makemake e hana aku i kekahi mea e hoinoino ai i ka manao o kana kaikamahine alaila i aku la: "Heaha la hoi, eia mai ua hainaka la, aole no keia he hainaka u'i aka he hainaka kokua nui mai nae keia ia'u, a pehea ina aole oe e kē'ake'a mai ana, alaila e hoi aku ana au a haawi aku i ke kauoha i ko'u loio e hoomakaukau i ka palapala hookama a lawe mai no kou kakau ana aku i kou inoa maluna o ua palapala la, pehea ia i kou manao ?" '•'Aole a'u mau ku-e ana aku no ia mea, nolaila e hana aku oe e like me kau i makemake ai," a o ka huli hoi aku la no ia o Akiholo me ka maha o kona manao a kauoha aku la i ka loio e hoomakaukau mai i ka palapala hookama. Ma kekahi kakahiaka ae i hoea hou mai ai o Akiholo me ua palapala la a kakau akii la o Akeneki i kona inoa, a na ka loio aku ke koena o ka hana 1 koe, a o ka nipuu niaoliia ae la no ia o Akeneki i kaikamahine ponoi na Akiholo, me he mea la mailoko ponoi aku ona i kulike ai me na kanawai o ka aina. 1 ka opiopi pono ana mai o Akiholo i ka palapala a Akeneki o ke kakau ana mai i kona inoa a hookomo mai la iloko o kona pakek~, ua unuhi ae la oia i kekahi apana pepa mai ka pakeke ae o kona puliki a waiho aku la'imua o ke alo o Akeneki, a o ia ka ua kaikamahine nei i pane mai ai me ka piha i ke kahaha: "Eia hou no ua pepa au, he mea aha keia?" "He bila kikoo kena no ekolu haueri me kanahiku-kumamalima dala, ma ke ano lie uku hoomau nou i kela ame keia hapaha makahiki." Ua hoopiha loaia aku o Akeneki me ke pahaohao, a o ia kana o ka ninau ana mai: "Auwe! o hoomau anei keia o ekolu hanen me kanahiku-kumamalima dala no ekolu mahina, ua like pu me umi-kumamalima haneri dala no ka makahiki?" "Oia ka nui o na dala e loaa aku ana ia oe mai a'u aku no ka makahiki hookahi, a pehea aole anei oe i lawa aku la i kela mau dala?" I "Aole paha o ka lawa ole kau e ninau mai ai, aka ua oi loa aku | keia mamua o ka hiki ia'u ke hoomaopopo i kahi o keia mau dala i loaa mai ai ia oe." wahi a Akeneki me ke kunahihi o kona mau maka. "Ina pela ea, he inea pono ia'u ke hoike aku ia oe, aole au i makemake e hooheinahema wale i ke kaikamahine i hookamaia mai e ai'u.ma o ka haawi uuku ana aku iaia i na dala i kela ame keia manawa, a no ka mea ua law r a au i ke dala au paha i mahu'i mua ole ai, he kanaka au i noho ulakolako no'u iho." "He oiaio aole loa au i moeuhane mua, ua loaa ia oe kekahi huina dala nui o keia ano e haawi mau mai ai ia'u i kela ame keia mahina." "Pela io no a he kumu ko ia noho pouliuli ana ou pela, no kuu ake loa e lilo maoli mai oe i kaikainahine hookama na'u mamua o kuu hoike ana aku ia oe, owau kekahi o na kanaka waiwai loa ma Kikako nei. Ina hoi au e kamailio e aku ana ia- oe i keia mau mea, aole paha oe e ae mai ana e lilo mai na'u, a e olelo mai ana oe, i ko'u Vo\ aku ia oe i kaikamahine na'u mamuli o waiwai. Ua loaa no anei ia oe kekahi wahi hoohuoi, owau kekahi o na kanaka waiwai loa nia Kikako nei i hiki ole i kekahi ke hahani mai malalo o ko'u mau kapuaiwawae? "E hoomanao oe i keia manawa, i kou lilo ana mai i kaikamahine na'u a i kuu hana ana i kuu palapala kauoha e hboili ana i ko'u mau waiwai apau maluna ou, ua hapai aku au ia oe a like me ka papa o ka poe waiwai o keia kulanakauhale, a o kekahi mau wahi e ae o ke ao nei, e manao iho ai oe, he mea uhauha w r ale no keia mau dala a'u e haawi aku ana ia oe, no kou mau makemāke ponof iho, me ka hopohopo ole i ka hoolilo ana aku. "Ina ua lawa ole keia mau dala 'nou, alaila i hakalia wale no i ka owaka ae o kou waha, ua hookoia aku kou mau makemake apau; a <na au e hala aku ana ma kela ao, alaila e noho alii iho ana oe maluna o ka waiwai, e nanakee mai ai kekahi o na kaikamahine nana i pehi mai ia'u me na huaolelo ku i ka mako-na, me ka nana ole i ka mea i loaa aku iaia mamuli o ke ano apuhi mai kekahi makuahine aku me kana keiki hoopono." Ua hele ka helehelena o Akeneki a haikea iloko o keia manawa a Akiholo e noke aku nei i ka hu'e pau i kona ano maoli, a o ia ka ua kaikamahine la o ka i ana mai: "Aole loa au i manao he kanaka waiwai oe." "Ua maopopo iaM ia mea e AKeneki," wahi a Akiholo rae ka imoimo ana iho o kona mau maka, a ke hoomaikai ae nei au no kou hoho pouliuli ana no ka mea pela iho la i hiki ai ia'u ke hookomo akn ia oe iloko o 1-a ipu hoohehee a ke kanalea hatia gula a ikeia ae

la kou waiwaiio. Aole no au he kanaka waiwai, aka mamull h 0 ; 0 k'a olua mau hana hoomakaulii me ko makuahine, i loaa mai ai ia'u ka waiwai oi ae a u e haaheo nei i keia la," a hilinai mai la ua o Akibolo i hope o kona noho a noke ae la i ka akaaka a hiki i ka hioio ana mai o na waimaka mai kona mau papalina mai. Ua hoike okoa aku la o Akiholo i kona hoao ana ia laua ma keln manawa a laua i hoi mai ai a noho pu me ia maloko o kona hale r m ;l ka hoohemahema ana ma na ano apau i wahi e ike ponoia ae ai k 0 laua mau ano maoli, a i hooiaio ia ai no hoi ko Akeneki ano i kulike ai me kana mau 01e10,.a i kana hooki ana iho i kona hoike ana aku ia mau mea, ua pane mai la oia: "Ua kauia oe e a'u maluna o ka mea kaupaona, ua hahaia e a'u kou mau aoao apau, ua hakiloia e a'u kou mau ano, a ua ike au, aohe lua e like me oe. O ka waiwai a'u i huli ai iloko o na makahiki iio kanakolu i hele a ku ka paila, nou ia mau pono apau mahope o kuu hala ana aku ma kela ao, a no ka mea ua ike au, ua haawi aku au i kuu mau waiwai e makepono ai." Ua noke mau aku la no nae o Akeneki i ka hoole ana no ka lawe ana mai i kela mau waiwai apau ke ole he ohana o Akiholo e ola nei, aka ua lilo ia mau paakiki ana aku ana i mea ole i ko Akiholo manao paa, koe wale no ke apono ana mai i na mea apau i kulike me ko Akib>olo manao. I ka manawa i hoikeia aku ai o keia nuhou maikai ia Mrs. Rpniinakona ua piha loa oia' i ka hauoli no kela pomaikai i ili aku maluna o Akeneki, aka ua lilo nae i mea hoopilikia aku i kona noonoo. ke komohia ana aku o na manao hoohuoi iloko o kekahi poe, mamuli o ka waiwai o Akeneki ke kumu i ake mai ai kana keiki o Hakawela e loaa o Akeneki iaia. ; J.-- MOKUNA XXXVI. Ma kela kakahiaka o ka hookamaia ana aku o Akeneki a lil 0 { kaikamahine na Akiholo, he kakahiaka kalae maikai ia, a e like me na mea i hoolala muaia ai, ua hoihoiia aku la o Akeneki no ka home o Mrs. Reminakona e noho ai. A i walii hoi no Akiholo e hele mau mai ai e ike i kana kaikamahine me ka maalahi ua hoolimalimaia aku la eia ka rumi a Akeneki o ka' noho ana maloko oka hokele. Oiai nae keia mau hana leliulehu e ikeia nei maloko o ke kulanakauhale o Kikako, e like me ia i ike muaia ae nei, ua halawai aku la o Hakawela oiai oia ma kana huakai 110 kana hana me kekahi mea hou ano nui, e lilo mai ai i mea hoopakele iaia ame kona makuahine mai ko laua waiwai mai i lilo nia'uwale aku ia Lora malalo o ke kuhihewa, a e ike ana kakou i ke ano 0 kana huakai ame ka mea i loaa aku iaia. O kahi a Hakawela o ka hele ana ma kela huakai kaahele ana, ma na palena no ia o ka muliwai Misisipi a hiki loa aku i ka Mokuaina o Wisikonasina, a iaia i huli hoi mai ai, ua kaapuni hou oia i ua mokuaina la a kaa loa aku iwaena konu o kahi paapu i na hale lawelawe oihana nunui, a ma kekahi po pouli, i ka ua ame ka makani e pa ana me ka ikaika, ua hele aku la oia no kekahi hale hokele e ku kokoke mai ana ma Madisona Paka no ka hooaumoe ana ma ia po. Ua komo io aku la oia maloko o ua hokele nei, a makemake koke aku la no e hele e ai i kona aina ahiahi, alaila haule koke aku-hiamoe no ka mea ua hele no oia a maluhiluhi mamuli o ka nui o kana hana ma ia la. Mamua ae nae o kona hele ana aku e ninau i rumi nona e moe ai no ia po, ua hele mua aku la oia e ike i ke kupakako o ka hokele no ke kakau ana aku i kona inoa e like me ka mea maa ma ua hokele Ika hanaia. Ke kilohi la kona mau maka ina inoa maloko oua buke la me kona manao e ike iho i kekahi poe ana i kamaaina mUa ai, a i ke kokoke loa ana iho i ka pau ana o na inoa i kakauia, Ua puiwa ae la oia i ka ike ana iho i ka inoa o Hakawela D. Reminakona e kau ana, he inoa hoi i kulike loa me kona. Ua manao oia/ua lalau paha ka ike a kona mau maka, nolaila ua upo'i iho la' oia i kona mau maka a ia uwehe hou ana ae, a nana aku iloko o ka buke e kau mai ana no ua inoa la i kulike loa me kana i ike mua ai, a o ia kana o ka iiooho ana ae: <l He keu ka hoi ke kupaianaha oke kulike loa ana oka inoa o kekahi kanaka maloko nei me ko'u, malia paha he ohana keia 110 ke kane a kuu makuahine, aka e hele aku ana no au e halawai pu me keia mamua o kuu huli hoi ana aku, malia o hiki ke hooleiia mai kekahi malamalaina e hoopauia ae ai ke ao poluluhi o ke kuhihewa no kekahi mea i hanaia, ka liana hoi nana i hookomo aku ia maua me kuu makuahine ilok 0 o ke kulana kupilikii." Oiai he hana nui kekahi ana o kekahi kakahiaka ae me kekahi mau hui malaila nolaila mamua o kona hele ana aku i kana hana, ua makemake loa oia e ike mua i keia kanaka nona kela inoa> ma kekani kakahiaka ae. Mahope iho o ka pau ana o kona aina ahiahi, ua hoi koke aku la no oia noloko o kona keeha, a hoomaka koke iho la e wehe i kaiu buke i makaukau mua ai kana mau kauoha e hele aku ai a lawe mai no kona mau haku, aka aia nō nae ka noonoo nui iloko oua no ka hui mua aku me keia kanakk malihini, a me ia manao iloko ona, ua haule aku la oia hooluolu ma ia po. laia nae e nanea ana i ka hiamoe, a he hookahi paha hora ma la hope mai, ua puoho mai la oia mamuli o kekahi kikeke ma kona puka. a o kona ala koke mai la no ia no ka wehe ana i ka puka o kona keena, a ku ana kc kupakako o ka hokele imua o kona alo me ka nanaina kunahihi, a pane mai la: "Ke hauoli nei au no kou ala koke ana mai la, a i hele mai la au e ninau aku ia oe, ina palia ua loaa aku ia oe kekahi hauli no ka halawai pu ana me kekahi o kou ohana ma keia hokele." "Aole i loaa mua ia'u kekahi manao no ka hui ana me kekahi o ko'u ohana maanei nei, no ka mea aole o'u ohana e ae, koe wāle no ko'u makuahine hookahi, aka aia no nae oia ma ke kulanakauhale o Kikako i keia manawa e noho mai la." Ua nana mai la ke kupakako iaia nei me ke pahaohao a ninau hou mai la: "Alaila ua make artei kou makuakane?" "Ae ua make kahiko no oia i ko'u wahi wa bebe loa, a o ko'u makuahine wale.no ia e ola^nei." "He keu aku maoli ka oka mea kupaianaha. Aole anei oe i manao o keia hoea ana mai ou i keia hokele e halawai pu ana oe me kekahi mea i kulike loa kona inoa me.kou?" He mea kupaianaha io hoi ia, no ka mea ua ike pu mai nei au i kela inoa maloko o ka buke a'u i kakau mai nei i ko'u inoa, a ua manao au, a ke kakahiakajD ka la apopo e hdle aku ai no ka hui pu ana me ia a ninau aku i kahi i loaa mai ai o kona inoa, a me ia manao no la, haule aku nei au hooluolu." Ke kaumaha loa nei au no ko'u hoala wale ana aku nei no ia oe, alaila ua kulou iho la ke poo oua kupakako la ilalo, a e makaukau ana oia no ka huli hoi ana aku no kahi o kana hana, ua ninau e aku la nae o Hakawela iaia i ka i ana aku: He mea anei kekahi i hiki ia'u ke hana aku nou? E oluolu an< i oe e hoike mai i ke kumu o kou manao ana he ohana au no kela kanaka?" O k6 kumu nui o ko'u hele ana mai nei e ike ia oe mamuli no ia o ka loaa ana o ke kanaka i kulike loa kona inoa me kou i kekahi ma'i, a u i manao kuhihewa ai, he ohana pili loa paha oia ia oe, a i liele mai la au no kau mau a o ana no na mea e hana aku ai no koiui pono, aka ua hoouna e ia aku nei no nae ke kauka no ka hele ana mai e nana i konfc pilikia. Ma ka auwina la o nehinei i hoea mai ai oia no ka hokele nei, ua hele no hoi a maluhiluhi. Ika nana aku he kanaka oia i hiki aku na makahiki ma kahi o ke kanahiku, eia nae i kana olelo mai he k2naono no ona mau makahiki." He manawa maikai loa keia no Hakaw ? ela e ike maoli ai ike ano 0 kela kanaka nolaila ua ninau mai la oia i ke kupakako i ka i ana mai: "Aia anei kekahi mea e hiki ana ia r u ke hana aku no kona pono 1 keia po?" Aole i Pau.