Ka Nupepa Kuokoa, Volume XLVI, Number 3, 15 Ianuali 1909 — HANA IO KA MAKANI MA KAUAI. [ARTICLE]
HANA IO KA MAKANI MA KAUAI.
Ma kekahi leka i kakauia mai ia Mr. Babbitt o ka Papa Hoonaauao mai ke poo kumu mai o ke kula o Hanalei e hoike mai ana oia no na hana aloha ole a ka makani Kona ma Kauai. E like me na hana a ka makani i kaupoku o ka hale o Macfarlane ma Koolau ae nei, o ia haawina hookahi no ka i hookauia aku maluna o kela halekula. Ua ulaaia aku kaupoku mai ka hale aku e ka makani, a ke ku olohelohe la ka halekula ma ka manawa o ke kakauia ana mai o kela leka, a mamuli o ka maka'u o ke kumukula o hiolo iho ke silina, ua haalele oia i ka malama ana i na papa kula maloko o ka halekula, aka maloko o ka hale o ke kumu ame kekahi o na rumi o ka hale hui o na Pake, a hiki i ka pau ana o na hemahema i ka hana houia.