Ka Nupepa Kuokoa, Volume XLVI, Number 2, 8 Ianuali 1909 — LAWE KA PAPA I KA MANA HOOKOHU Hoole ka Meia i ka Hoike a na Komite Lehulehu no na Ukuhana. [ARTICLE]

LAWE KA PAPA I KA MANA HOOKOHU

Hoole ka Meia i ka Hoike a na Komite Lehulehu no na Ukuhana.

Iloko o na alakai lalauia o ka Meia o ke Kulanakauhale ame Kalana o Honolulu nei, a iloko hoi o na manao hauoli o na Demokarata no ka ohi i na hua ohaha o ka hooikaika ana iho nei iloko 0 na hana kalaiaina, ua kailii ae la ka Papa Lunakiai i ka mana hookoliu 1 ka poe hana iloko o na oihana lehulehu o ke Kulanakau}iale, iloko o ko lakou lima a waiho ae la i ka papainoa o ka poe apau a lakou t manao ai no na hana lehulehu me ke kau ana i ko lakou mau uku pakahi. 0 keia ke keehina liaha mua loa a ka Papa i hana ai, ma ka wa i ninau mai ai ka Meia no ka hoike a na komite ma ka noho ana o ka halawai a ka Papa ma ka auwina la o ka Poakolu nei, ma o ka waiho ana ae o Quinn i kana hoike ma ke ano he lunahoomalu no ke komite alanui, e hoakaka ana i ka poe i hookohuia ame ko lakou ukuhana. Ua noi ae oia e aponoia lea hoike a ke komite a e waiho mai hoi ka Meia i ka ninau no ke apono ana, aka ua hoole loa mai ka Meia i ka' ninau ana, no ke kumu aole ka poe na lakou i kakau ka hoike, he mau lala no kela komite, aka nae ua a'e ae ka Pap& maluna o ka rula ana a ka Meia a kauoha ak\x la o Logan iaia e waiho mai i ka ninau no ekolu manawa, aka nke he ekolu manawa a ka Meia i hoole mai ai i ka waiho ana i ka ninau, a hiki i ka ninau okoa ana mai o Lw* gan a hooholoia ke apono ana i ka hoike a ke komite, he eono ma ka apono a he hookahi ma ka hoole. Iloko o ka poe i kohoia aku la e ke Komite alanui no ka lawelawe ana ae i na hana o ka lehulehu, o ka poe. mua no i noho hana iho nei malalo o ke aupuni Kalana ka poe i kohoia aku la, a ua hoomau puia aku ia no hoi ko lakou mau ukuhana. Me ke kaukai ole aku i ko ka Meia apono a apono ole mai i na mea e hanaia aku ana e ka Papa, ua lawe hou mai la ke komite o ka oihana kinaiahi ame Kukui Uwila i kana hoike, ame kana poe i hookohu aku ai ame ko lakou a ua hoole no ka Meia i ka waiho ana mai i ka ninau no ke apono ana i ka hoike, aka ua hooholoia no nae mamuli o ka a'e ana o ka Papa maluna o kana rula ana. Pela i hoomauia aku ai na hoike komite, a ua hoomauia aku la no ke kumu puhiohe Berger ame kona mau keiki ma ko lakou mau kulana pakahi ame ko lakou mau uku iloko o ka bana puhiohe. Oiai ,ua waiho mua aku ka Meia i kekahi mau ninau no ka manao kanawai o ka Loio Kulanakauhale ma ka po aku o ka Poalua ,no ka pono a pono ole o na mea a ka Papa i lawelawe ai, nolaila ua heluheln mai la ka P4pa i kona manao kanawai e like me ua mau ninan la, a ma ke ano nui, a hoonaukiuki aku ana i ka Meia i ke ano o ka waihoia ana mai o ia mau ninau, no ka mea wahi a ka Loio Kulanakauhale, ma ke ano o kela mau ninau

mea la aole maoli no i makemake mai ka Meia e kaa malalo o na mea a ka Loio Kulanakauhale e hoike ai i kona manao kanawai. Ua hoike pu ae no hoi ka Loio Kulanakauhale, ua ku-e loa i ka rula maikai a ku hoi i ke ano keonimana, kā waihoia ana aku o kela mau ninau imua ona, no ka mea ua waiho puia he kope o kela mau ninau i ke KakauolelO Kulanakauhale a heluhelu ia ae i ke akea, aole no hoi o ia wale no, aka ua kuhikuhi puia maloko o ia mau. ninau kekahi mau mea' pili kanawai, me he mea la i hookomokomoia a i hakuia e kekahi loio, a o kela mau ano hana apau loa ma ka aoao o ka Meia, ua lawa ia no ka hoike ana ae, aole loa oia i makem&,ke e alakaiia malalo o namianao kanawai a ka Loio Kulanakauhale. Ua hoike aku no nae ka Loio Kalana i kona manao no na ninau i waihoia aku imua ona, o ia hoi, e hoole loa ana oia i ke ku ana o ke aupuni Kulānakauhale mamua ae o ka la 4 o ka mahina o īanuari o keia makahiki, a pela e mana ole ai kekahi mea e hanpia mamua ae o ia manawa. No ka mana a ka Meia i ui mai ai i loaa iaia malalo "o ka Pauku 146, ma lea manao o ka Loio Kulanakauhale, ua kuikahi ka manao o'kela pauku me ke kanawai holookoa, a ma kekahi olelo ana ae hoi, ua hu hewa ka ikē o ka poe na lakou i hoomakaukau v kela pauku.o ke kanawai, a ma kona manao aole loa he wahi mana i loaa aku i ka Meia e hookohu kaokoa me ke apono ole mai o ka Papa o na Lunakiai. , O ka manao o ka Pauku 81, me ke apono ana a ka Papa Lunakiai e 'pono ai na hookohu āpau a ka Meia 'e hana ai, no na luna aUf)uni i koho ole ia e. ka leliulehu, ā ina e oleloia ana ua loaa no i ka Meia ka mana hoōkohu e like me ka.Pauku 146, alaila me ke apono wale ana mai no ia a ka. Papa, a oiai no hoi aole i hoakaka ke kanawai, he luna aupuni lcc kumu puhiohe, na keiki puhiohe, na luna alanui, na kiāi paka a pela wale aku, nōlaila ua hu i kula ka ike o ka Meia ma ka liookohu neepapa ana i keia poe i ike oleia he mau luna aupuni lakou. Ua pane ka Loio Kulanakauhale i na ninau apau i' waihoia āku imua ona, a o ke ano nui no, o ia kona hoakaka ana 'i kona manao kanawai e apono ana i na mea apau a ka Papa Lunakiai i hana ai, a e koi an# hoi i ka Meia,- e kulou aku kona poo a hana like me ka Papa, no ka mea ma kona manaoio, aole loa e hiki ke ku-e ia ka mana o ka Papa no na mea a lakou i hana ai, ina e hoonaueueia māi ana ma kekahi aoao. v Aia mau ke kakauolelo a ka Meia Mr. Rhodes ma kona aoao kahi i noho ai i na manawa āpau, oia ka mea nana e a oa'o maU aku i kona haku, oiai hoi ke anaina e minoaka mau ana i ke ano o ka hana a ka Papa me ka Meia. Ua aneane e piha ka hora o ia noho ana o ka halawai, ua noi' mai la ka Meia e hoopaneeia.a noho hou ma ka hora ekahi o nehinei.